2018 senesi yanvar 23 k\u00fcn\u00fc Avropa \u015euras\u0131n\u0131\u00f1 Parlament Assambleyas\u0131 RF-n\u0131\u00f1 Ukraina\u011fa qar\u015f\u0131 cenkine ve Ukrainan\u0131\u00f1 vact\u0131nca i\u015f\u011fal olun\u011fan Q\u0131r\u0131m ve \u015earq topraqlar\u0131nda m\u00fctenasip adiselerge ba\u011f\u0131\u015flan\u011fan ”Ukrainadaki cenkni\u00f1 gumanitar aq\u0131betleri\u2019\u2019 serleval\u0131 2198 sanl\u0131 (2018 s.) rezol\u00fctsiyan\u0131 qabul etti. Rezol\u00fctsiya\u011fa A\u015ePA migratsiya, qa\u00e7aqlar ve mecburen k\u00f6\u00e7\u00fcrilgen \u015fah\u0131slar boyunca Komitetini\u00f1 maruzas\u0131 esas\u0131nda qol tutt\u0131lar. Rezol\u00fctsiyada, ba\u015fqa meselelernen beraber, IV Jeneva konventsiyas\u0131n\u0131 boz\u011fan cezalavlar neticesinde Ukraina\u011fa qoltutqan eali yar\u0131madan\u0131 terk etkeni, bu c\u00fcmleden, q\u0131r\u0131mtatarlar \u00f6z ana yurtun\u0131 terk etmege mecbur ol\u011fanlar\u0131 takbih etile. \u0130\u015f\u011fal olun\u011fan Q\u0131r\u0131mda adamlar coyul\u011fan\u0131 qayd etile, i\u015f\u011falciler \u015fahsiy mal-m\u00fclk aqlar\u0131n\u0131 boz\u011fanlar\u0131 halqara gumanitar aqlarn\u0131\u00f1 bozuluv\u0131 olaraq tan\u0131la. Rez\u00f6l\u00fctsiyada bu cenkni\u00f1 taraflar\u0131n\u0131 coyul\u011fan adamlarn\u0131\u00f1 q\u0131d\u0131ruv\u0131na Halqara Q\u0131z\u0131l Ha\u00e7 komitetini celp etmege \u00e7a\u011f\u0131ralar.<\/p>\n
A\u015ePA \u00f6z rezol\u00fctsiyas\u0131nda ba\u015fqa meselelernen beraber RF-n\u0131n akimiyetinden a\u015fa\u011f\u0131da qayd etilgenlerni talap ete:<\/p>\n
– i\u015f\u011fal olun\u011fan Q\u0131r\u0131mda insan aqlar\u0131na riayet etmek ve b\u00fct\u00fcn ealini\u00f1 hafs\u0131zl\u0131\u011f\u0131n\u0131 temin etmek;<\/p>\n
– BMT Halqara mahkemesini\u00f1 talab\u0131n\u0131 yerine ketirip, Q\u0131r\u0131mtatar halq\u0131n\u0131\u00f1 qanuniy temsilci organ\u0131 ol\u011fan Q\u0131r\u0131mtatar halq\u0131 Milliy Meclisini\u00f1 yasaqlanmas\u0131n\u0131 ve on\u0131\u00f1 liderlerine Q\u0131r\u0131m yar\u0131madas\u0131na kelmege yasaqla\u011fan qararn\u0131 l\u00e2\u011fu etmek.<\/p>\n
– cenk devam\u0131nda zapt etilip Rusiyeni\u00f1 ve Q\u0131r\u0131mn\u0131\u00f1 apishanelerine k\u00f6\u00e7\u00fcrilgen b\u00fct\u00fcn ukrainal\u0131 mak\u00fcmlerni azat etmek, olarn\u0131\u00f1 aq-uquqlar\u0131na ve serbestliklerine riayet etmek, azat etilmesinden evel olarn\u0131\u00f1 sa\u011fl\u0131q vaziyetlerini\u00f1 mustaq\u0131l halqara k\u00f6zeticiler ve te\u015fkil\u00e2tlar taraf\u0131ndan nezaret etilmesine imk\u00e2n yaratmaq;<\/p>\n
– halqara te\u015fkil\u00e2tlarn\u0131\u00f1, halqara nezaret taq\u0131mlar\u0131n\u0131\u00f1, cemaat uquq qor\u00e7alay\u0131c\u0131 te\u015fkilatlarn\u0131\u00f1 Q\u0131r\u0131m\u011fa manias\u0131z kele bilmelerini temin etmek;<\/p>\n
– RF-n\u0131\u00f1 topraqlar\u0131ndan ealini Q\u0131r\u0131m yar\u0131madas\u0131na k\u00f6\u00e7\u00fcrip, i\u015f\u011fal etilgen Q\u0131r\u0131mn\u0131\u00f1 demografik terkibini de\u00f1i\u015ftirgen siyasetni toqtatmaq;<\/p>\n
– Q\u0131r\u0131mda ya\u015fa\u011fan Ukraina vatanda\u015flar\u0131na RF pasportlar\u0131n\u0131\u00f1 mecburen berilmesini ve RF pasportlar\u0131 olma\u011fan Ukraina vatanda\u015flar\u0131n\u0131\u00f1 Q\u0131r\u0131mdan mecburen s\u00fcrg\u00fcn etilmesini toqtatmaq;<\/p>\n
– Q\u0131r\u0131mda etnik aq-uquqlar\u0131na riayet etilmesine dair AHIT-n\u0131\u00f1 1990 (2014), 2034 (2016) ve 2063 (2015) sanl\u0131 rezol\u00fctsiyalar\u0131n\u0131 yerine ketirmek;<\/p>\n
– Ukraina\u011fa qar\u015f\u0131 arbiy istil\u00e2n\u0131 toqtatmaq ve on\u0131\u00f1 territorial b\u00fct\u00fcnligini \u011fayr\u0131dan tiklemek;<\/p>\n
AHIT \u00f6z rezol\u00fctsiyas\u0131nda Ukraina \u00fck\u00fcmetine a\u015fa\u011f\u0131daki ad\u0131mlarn\u0131 yapma\u011fa teklif ete:<\/p>\n
– Ukrainada cenk devam\u0131nda \u011fay\u0131p ol\u011fan ve zapt etilgen vatanda\u015flar\u0131n\u0131\u00f1 ve Ukrainanen cenk \u00e7er\u00e7ivesinde Q\u0131r\u0131mda ya da RF-n\u0131\u00f1 \u00f6z\u00fcnde mak\u00fcm etilgen \u015fah\u0131slarn\u0131\u00f1 qorantalar\u0131na devlet yard\u0131m\u0131 boyunca programma qabul etmek;<\/p>\n
– memleket i\u00e7inde mecburen k\u00f6\u00e7ken \u015fah\u0131slarn\u0131\u00f1 b\u00fct\u00fcn saylavlarda i\u015ftirak etmelerine imk\u00e2n yaratmaq;<\/p>\n
– memleket i\u00e7inde mecburen k\u00f6\u00e7ken vatanda\u015flarn\u0131\u00f1 ev-mesken aqlar\u0131na riayet etmek, qanun\u011fa m\u00fctenasip de\u00f1i\u015fmeler kirsetip ve \u00e7e\u015fit-t\u00fcrl\u00fc yard\u0131m \u015fekillerini teklif etip, mesken problemlerini\u00f1 \u00e7ezil\u00fcvine imk\u00e2n yaratmaq;<\/p>\n
– memleket i\u00e7inde mecburen k\u00f6\u00e7ken vatanda\u015flar i\u00e7\u00fcn i\u00e7timaiy ve pensiya t\u00f6lemelerni\u00f1 protseduralar\u0131n\u0131 qolayla\u015ft\u0131rmaq;<\/p>\n
– vaqt\u0131nca i\u015f\u011fal olun\u011fan topraqlarda ya\u015fa\u011fan vatanda\u015flarn\u0131\u00f1 statuslar\u0131n\u0131 belgilegen vesiqalar saas\u0131nda m\u00fctenasip memuriy protseduran\u0131 i\u015fke qoymaq;<\/p>\n
– memleket i\u00e7inde mecburen k\u00f6\u00e7ken ya da cenkten ba\u015fqa zarar k\u00f6rgen \u015fah\u0131slarn\u0131\u00f1 qor\u00e7alav\u0131 i\u00e7\u00fcn mesuliyetli yerli akimiyetni kerekli maaliy resurslarnen teminlemek;<\/p>\n
Rezol\u00fctsiyada memleket i\u00e7inde k\u00f6\u00e7ken \u015fah\u0131slarn\u0131\u00f1 mesken aqlar\u0131 qor\u00e7alav\u0131 saas\u0131nda Ukrainan\u0131\u00f1 Avropa Birligini\u00f1 \u0130nki\u015faf bank\u0131 ile i\u015fbirlik imk\u00e2nlar\u0131 aqq\u0131nda s\u00f6z y\u00fcrsetile. A\u015ePA-n\u0131\u00f1 2198 (2018) sanl\u0131 rezol\u00fctsiyas\u0131nen beraber, Avropa \u015euras\u0131n\u0131\u00f1 Nazirler Komitetine Ukraina i\u00e7\u00fcn areket plan\u0131nda Ukraina\u011fa memleket i\u00e7inde k\u00f6\u00e7ken vatanda\u015flarn\u0131\u00f1 meselelerine yard\u0131m berilmesini k\u00f6zde tutqan ayn\u0131 adl\u0131 2119 (2018)\u00a0 tevsiye qabul etildi.<\/p>\n
Rezol\u00fctsiyan\u0131\u00f1 \u0130ngiliz tilindeki metinini oquma\u011fa mumk\u00fcn:<\/p>\n