2018 senesi qural ay (may\u0131s) 24 k\u00fcn\u00fc Ukraina Prezidentini\u00f1 Q\u0131r\u0131m MC Daimiy Temsilcisi Bor\u0131s Babin, on\u0131n Birinci muavini \u0130zet Gdanov ve Temsilcilikni\u00f1 ba\u015fqa hadimleri Ukraina Yuqar\u0131 \u015euras\u0131n\u0131\u00f1 komitetlerinde T\u0131\u015fq\u0131 siyaset, havfs\u0131zl\u0131q ve diplomatiya boyunca a\u00e7\u0131q kafedra \u00e7er\u00e7ivesinde \u2018\u2018Q\u0131r\u0131m \u2013 adaletsizlik b\u00f6lgesi: havfs\u0131zl\u0131q, qor\u00e7alav, qar\u015f\u0131l\u0131q k\u00f6ster\u00fcv\u2019\u2019 mevzus\u0131nda D\u00f6rt\u00fcnci k\u00f6r\u00fc\u015f\u00fcvde i\u015ftirak ettiler.<\/p>\n
Temsilcilik taraf\u0131ndan te\u015fkil etilgen tedbirde Ukraina Yuqar\u0131 \u015euras\u0131 Ba\u015fl\u0131\u011f\u0131n\u0131\u00f1 Birinci muavini \u0130r\u0131na Gera\u015f\u00e7enko, Ukraina Yuqar\u0131 \u015euras\u0131 T\u0131\u015fq\u0131 i\u015fler komitetini\u00f1 ba\u015fl\u0131\u011f\u0131 Ganna Gopko, ba\u015fqa halq deputatlar\u0131, merkeziy akimiyet organlarn\u0131\u00f1 vekilleri, diplomatlar, alimler, jurnalistler, uquq qor\u00e7alay\u0131c\u0131lar ve cemaat erbablar\u0131 i\u015ftirak etti.<\/p>\n
Tedbirde, ukrain vatanda\u015flar\u0131na memuriy h\u0131zmetlerini\u00f1 beril\u00fcvinde qolayla\u015ft\u0131rmadan ba\u015flap yar\u0131mada ile qanuns\u0131z iqtisadiy munasebetlerge qar\u015f\u0131l\u0131q k\u00f6ster\u00fcvge ve ekologik tel\u00fckelerni kerekli derecede temin et\u00fcvge qadar, Q\u0131r\u0131mn\u0131\u00f1 ilhaq\u0131 ile ba\u011fl\u0131 ol\u011fan Ukrainan\u0131\u00f1 i\u00e7ki meselelerni\u00f1 \u00e7ezil\u00fcvine ameliy yana\u015fma muzakere etildi.<\/p>\n
\u0130r\u0131na Gera\u015f\u00e7enko tedbir pek aktual ol\u011fan\u0131n\u0131 qayd etti ve vaqt\u0131nca i\u015f\u011fal etilgen yar\u0131mada b\u00fcg\u00fcn aqs\u0131zl\u0131q meydan\u0131 ve insan aqlar\u0131 muntazam \u015fekilde bozul\u011fan yer ol\u011fan\u0131n\u0131 hat\u0131rlatt\u0131. \u2018\u2018Q\u0131z\u0131l Ha\u00e7 Halqara Komitetini\u00f1 missiyas\u0131 d\u00f6rt y\u0131l devam\u0131nda ne de i\u015f\u011fal etilgen Donbastaki reinelerni, ne de ilhaq etilgen Q\u0131r\u0131mdaki siyasiy mabuslarn\u0131 ziyaret etemey\u2019\u2019, – dep qayd etti \u0130r\u0131na Gera\u015f\u00e7enko. \u2018\u2018Vaqt\u0131nca i\u015f\u011fal etilgen topraqlarn\u0131\u00f1, em Q\u0131r\u0131mn\u0131\u00f1, em Donbasn\u0131\u00f1 reintegratsiyas\u0131 meselesi Devletni\u00f1 muntazam strategiyas\u0131 \u00fczerinde qurulmal\u0131 ve halqara uquq aletlerini\u00f1 i\u015fletil\u00fcvini, yani RF qar\u015f\u0131 halqara mahkemelerde davalarn\u0131 ve halqara ortaqlarn\u0131\u00f1 Rusiyege qar\u015f\u0131 sanktsiyalar meselesinde birdemligini\u00a0 k\u00f6z \u00f6g\u00fcne almal\u0131d\u0131r\u2019\u2019, – dep yek\u00fcn \u00e7ekti \u0130r\u0131na Gera\u015f\u00e7enko.<\/p>\n
Ganna Gopko Ukrainan\u0131\u00f1 egemenligini\u00f1 \u011fayr\u0131dan tiklenmesini temsil etken Q\u0131r\u0131mn\u0131\u00f1 i\u015f\u011falden etil\u00fcvi e\u00f1 muim mesele ol\u011fan\u0131n\u0131 qayd etti. Bundan \u011fayr\u0131, Ukraina\u011fa qar\u015f\u0131 sil\u00e2l\u0131 istil\u00e2 i\u00e7\u00fcn RF-n\u0131\u00f1 halqara-uquqiy mes\u00fcliyeti de pek muim meselege \u00e7evirile. Ukraina Yuqar\u0131 \u015euras\u0131 t\u0131\u015fq\u0131 i\u015fler Komitetini\u00f1 ba\u015fl\u0131\u011f\u0131 Komitet taraf\u0131ndan al-az\u0131rda devlet seviyede RF ile imzalan\u011fan b\u00fct\u00fcn a\u00f1la\u015fmalarn\u0131\u00f1 te\u015fkeril\u00fcvi ve siyasiy mabuslarn\u0131\u00f1 qorantalar\u0131na yard\u0131m ber\u00fcvni\u00f1 te\u015fkil etil\u00fcvi boyunca faal i\u015f al\u0131p bar\u0131l\u011fan\u0131 aqq\u0131nda bildirdi. \u2018\u2018Bundan \u011fayr\u0131, biz norman format \u015fekilinde halqara meydan\u00e7\u0131\u011f\u0131n\u0131\u00f1 te\u015fkil etil\u00fcvini q\u0131r\u0131mtatarlarn\u0131\u00f1 temsilcileri ile daima beraber muzakere etemiz\u2019\u2019, – dep qayd etti Ganna Gopko.<\/p>\n
Bor\u0131s Babin Q\u0131r\u0131mda ya\u015fa\u011fan Ukraina vatanda\u015flar\u0131na memuriy h\u0131zmetlerni ber\u00fcv saas\u0131nda al\u0131p bar\u0131l\u011fan i\u015fni tarif etti, Herson vil\u00e2yetinde \u2018\u2018Dokument\u2019\u2019 devlet m\u00fcessisesi 2018 senesi qural ay 30 k\u00fcn\u00fcnden ba\u015flap ke\u00f1i\u015fletilgen binada faaliyetini ba\u015flayca\u011f\u0131n\u0131 bildirdi ve parlamentni\u00f1 azalar\u0131 ile Temsilcilik beraberlikte q\u0131r\u0131ml\u0131lar\u011fa semereli yard\u0131m ber\u00fcv mehanizmlerni\u00f1, bu c\u00fcmleden, Ukrainan\u0131\u00f1 vaqt\u0131nca i\u015f\u011fal etilgen Q\u0131r\u0131mda ya\u015fa\u011fan Ukraina vatanda\u015flar\u0131na vatanda\u015fl\u0131q vaziyetini resmiyle\u015ftir\u00fcv ve bedava ekinci nevbet yard\u0131mn\u0131 ber\u00fcv saas\u0131nda i\u015fbirligini tarif etti . Bundan \u011fayr\u0131, Daimiy Temsilci Q\u0131r\u0131mda himiya i\u015fhanelerni\u00f1 faaliyeti ve Qara de\u00f1iz raf\u0131nda i\u015f\u011falcilerge boysun\u011fan te\u015fkil\u00e2tlar taraf\u0131ndan qanuns\u0131z \u015fekilde qum ile gidrokarbonn\u0131 istisal etil\u00fcv, i\u015f\u011fal\u00e7i devlet taraf\u0131ndan Azaq de\u00f1izini\u00f1 ve Keri\u00e7 bo\u011faz\u0131n\u0131 arbiyle\u015ftiril\u00fcvi meselelerni k\u00f6terdi.<\/p>\n\n
Daimiy Temsici topla\u015fuvda bulun\u011fanlar\u011fa y\u00fcksek seviyede i\u015f gruppas\u0131n\u0131\u00f1 ilk yaz ay\u0131ndaki otur\u0131\u015f\u0131nda muzakere etilecek Ukrainan\u0131\u00f1 vaqt\u0131nca i\u015f\u011fal etilgen Q\u0131r\u0131m topra\u011f\u0131ndan istil\u00e2n\u0131\u00f1 devam etmesine qar\u015f\u0131l\u0131q k\u00f6ster\u00fcvi, Q\u0131r\u0131mda Ukraina devletini\u00f1, uquqiy \u015fah\u0131slar\u0131n\u0131\u00f1 ve vatanda\u015flar\u0131n\u0131\u00f1 aq-uquqlar\u0131n\u0131\u00f1 qor\u00e7alav\u0131 boyunca 2018-2019 seneleri i\u00e7\u00fcn acele areket Plan aqq\u0131nda haber etti.<\/p>\n
\u0130zet Gdanov vaqt\u0131nca i\u015f\u011fal etilgen Q\u0131r\u0131m ile qom\u015fu ol\u011fan topraqlarn\u0131, ilk nevbette, Herson vil\u00e2yetindeki Geni\u00e7esk rayon\u0131n\u0131 l\u00e2y\u0131q seviyede qanuniyet ve devlet idaresinen acele s\u00fcrette temin etmek kerek ol\u011fan\u0131n\u0131 qayd etti. Daimiy Temsilcini\u00f1 Birinci muavini Q\u0131r\u0131m\u011fa ve Q\u0131r\u0131mdan qanuns\u0131z avtomobil ta\u015f\u0131malar, mal ve h\u0131zmetlerni\u00f1 ihracat\u0131 ve ital\u00e2t\u0131nen ba\u011fl\u0131 bir s\u0131ra p\u0131traql\u0131 meselelerni \u00e7ezmek ve Q\u0131r\u0131m\u011fa qanuns\u0131z ta\u015f\u0131malarnen o\u011fra\u015fqan avia \u015firketlerini, de\u00f1iz gemiciligi te\u015fkil\u00e2tlarn\u0131, demiryol naqliyat\u0131 m\u00fcessiselerni kompleks \u015fekilde uquqiy cietten semereli taqip etil\u00fcv mehanizmni y\u00fcrsetmek l\u00e2zim degen fikirni bildirdi.<\/p>\n
2018 senesi qural ay (may\u0131s) 25 k\u00fcn\u00fc Bor\u0131s Babin A\u00e7\u0131q kafedran\u0131 faaliyetini\u00f1 devam\u0131 olaraq Ukraina Diplomatiya Akademiyas\u0131nda merkeziy akimiyet organlarn\u0131\u00f1 vekilleri, diplomatlar, alimler, jurnalistler, uquq qor\u00e7alay\u0131c\u0131lar ve cemaat erbablar\u0131 i\u00e7\u00fcn \u2018\u2018Halqara te\u015fkil\u00e2tlarn\u0131\u00f1 Ukrainada b\u00f6l\u00fckleri ve Q\u0131r\u0131m meselesi\u2019\u2019 mevzus\u0131nda a\u00e7\u0131q lektsiyan\u0131 ke\u00e7irdi.<\/p>\n","protected":false},"featured_media":33486,"template":"","publication-type":[44],"class_list":["post-33485","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n