Ukraina Prezidenti Petro Poro\u015fenko \u0130stanbulda Ukraina Ortodoks kilisesini\u00f1 mustaqilligi aqq\u0131nda Tomosn\u0131 Ek\u00fcmenik Patrigi Varfolomey taraf\u0131ndan imzalav merasiminde i\u015ftirak etti. Tantanal\u0131 tedbir Aya Yorgi Patrikhane Kilisesinde ke\u00e7ti.
\n\u0130mzalav merasiminden so\u00f1 Ukraina devletini\u00f1 Ba\u015fl\u0131\u011f\u0131 tedbirde bulun\u011fanlar\u011fa ve i\u015ftirak etkenlerge muracaat etti: ”\u0130tibarl\u0131 Patrik efendi, \u00fcrmetli han\u0131m ve efendiler. Bizni b\u00fcg\u00fcn Ukrainadan ve b\u00fct\u00fcn d\u00fcnyadan seyir etken ve bu vaqian\u0131 bi\u00f1 y\u0131llar devam\u0131nda beklegen aziz ukrainal\u0131lar. Ta\u00f1r\u0131\u011fa \u015f\u00fck\u00fcrler olsun! \u00c7\u00fcnki Ta\u00f1r\u0131n\u0131\u00f1 ruhseti olma\u011fance, bu vaqia imk\u00e2ns\u0131z edi”.
\n”\u0130tibarl\u0131 Ek\u00fcmenik Patrigi Varfolomeyge iradesi i\u00e7\u00fcn b\u00fcy\u00fck minnetdarl\u0131\u011f\u0131mn\u0131 bildirem. \u0130tibarl\u0131 efendi, bu el\u00e7\u0131rpmalar \u015fimdi b\u00fct\u00fcn d\u00fcnyada yan\u011f\u0131ray”, – dep aytt\u0131 Petro Poro\u015fenko.
\nPrezident Ek\u00fcmenik Patrigi Varfolomeyge Ukrainan\u0131 sevgeni, Ukraina\u011fa inan\u011fan\u0131, Ukraina ve ukrain halq\u0131 i\u00e7\u00fcn duva oqu\u011fan\u0131, b\u00fct\u00fcn \u00f6m\u00fcri devam\u0131nda ve hususan B\u00fcy\u00fck bazarertesi k\u00fcn\u00fcnden, yani 2018 senesi Pasha bayram\u0131ndan so\u00f1 birinci k\u00fcn\u00fcnden ba\u015flap, yani Ukraina Ortodoks Kilisesini te\u015fkil et\u00fcv ceryan\u0131 devam\u0131nda numay\u0131\u015f etken mertligi \u00fc\u00e7\u00fcn te\u015fekk\u00fcr etti.
\n”Aziz Sinod\u011fa, Ek\u00fcmenik patrikhanesini\u00f1 meclisine, Ek\u00fcmenik Patrigi ad\u0131na Ukraina Ortodoks Kilisesini\u00f1 mustaqilligi aqq\u0131nda muracaatn\u0131 imzala\u011fan er bir yepiskopqa minnetdarl\u0131\u011f\u0131mn\u0131 bildirmege isteyim”, – dep qayd etti Prezident.
\nDevletimizni\u00f1 Ba\u015fl\u0131\u011f\u0131 Ukraina Yuqar\u0131 \u015euras\u0131na ve Parlament reisi Andriy Parubiyge, Ek\u00fcmenik Patrigi ad\u0131na Ukraina Ortodoks Kilisesini\u00f1 mustaqilligi aqq\u0131nda Prezidentni\u00f1 muracaat\u0131n\u0131 imzala\u011fan er bir deputatqa minnetdarl\u0131q s\u00f6zlerini bildirdi.
\n”Ve e\u00f1 muimi – b\u00fct\u00fcn d\u00fcnyada ya\u015fap, bu kiliseni\u00f1 te\u015fkil etil\u00fcvi i\u00e7\u00fcn duvalar etken millionlarnen ukrainal\u0131lar\u011fa minnetdarl\u0131\u011f\u0131mn\u0131 bildirmege isteyim. Bu vaqia duvalar\u0131\u00f1\u0131z sayesinde m\u00fcmk\u00fcn old\u0131”, – dep ayr\u0131ca qayd etti Petro Poro\u015fenko.
\nO, bu vaqian\u0131 ya 1030 y\u0131l, ya da 332 y\u0131l ya da 100 y\u0131l devam\u0131nda beklegen ukranal\u0131lar nesillerine minnetdar ol\u011fan\u0131n\u0131 ayr\u0131ca qayd etti. ”Ta\u00f1r\u0131 bizge niayet Ukraina Ortodoks Kilisesini ba\u011f\u0131\u015flad\u0131”, – dep qayd etti Petro Poro\u015fenko.
\nPrezident bu meselede q\u0131ymeti y\u00fcksek \u011fayretlerini k\u00f6stergen Patrikni\u00f1 vekillerine bildirilgen minnetdarl\u0131q s\u00f6zlerine de qo\u015fuld\u0131.
\nTomosn\u0131 imzalav merasiminden so\u00f1 Azretli Ek\u00fcmenik Patrigi Varfolomey K\u0131yiv ve b\u00fct\u00fcn Ukraina Mitropoliti Yepifaniyge muracaat etti: ”\u0130tibarl\u0131 efendi, kilise\u00f1izni\u00f1 mustaqilligini talap etmege aqq\u0131\u00f1\u0131z bar edi. Konstantinopoldeki Ana kilise\u00f1izni\u00f1 ise sizge bu mustaqillik status\u0131n\u0131 ba\u011f\u0131\u015flama\u011fa aqq\u0131 bard\u0131r. Bu bah\u015f\u0131\u015fqa l\u00e2y\u0131q olma\u00f1\u0131z ve ortodoks birlikte, umumiy faaliyette ve ortodoks inan\u00e7\u0131n\u0131\u00f1 t\u00fckenmez bayl\u0131qlar\u0131n\u0131 arzu etken zemaneviy d\u00fcnyada ba\u015fqa qarda\u015f kiliselerni\u00f1 yolda\u015f\u0131 olma\u00f1\u0131z i\u00e7\u00fcn can-y\u00fcrekten duvalar etecekmiz”.
\nEk\u00fcmenik patrigi qayd etkenine k\u00f6re, ”Ta\u00f1r\u0131n\u0131\u00f1 iradesi \u00fczerine biz \u015fimdi sizi\u00f1 (muarriyetten ”ukrain”) topra\u011f\u0131\u00f1\u0131zda qabaatlar\u0131 olmadan qanuniy birlik ve munasebetlerden marum qal\u011fan millionlarnen iman etkenlerni\u00f1 birdemligini \u011fayr\u0131dan tikleymiz”.
\nO, Konstantinopoldeki Kilise olarn\u0131 ”\u00f6gey ana degil de, aqiqiy ana kibi toplap qu\u00e7aqla\u011fan\u0131n\u0131” qayd etti. Ve ayn\u0131 bu kilise olarn\u0131 qadimiy zamanlarda vaftiz merasimine al\u0131p ketken edi”. Ek\u00fcmenik Patrigi Konstantinopol er vaq\u0131t ”\u00f6z balalar\u0131n\u0131\u00f1 isteklerine ve menfaatlar\u0131na h\u0131zmet etmek i\u00e7\u00fcn areket etkenini” hat\u0131rlatt\u0131.
\n”\u0130tibarl\u0131 efendi, aziz qarda\u015f\u0131m. Bu acayip tarihiy k\u00fcnde Ortodoks inan\u00e7\u0131n\u0131\u00f1 Muqaddes Merkezinde bizim ile beraber kn\u00e2z Volod\u0131m\u0131r ve aziz Ol\u011fa, me\u015fur ukrain topra\u011f\u0131n\u0131\u00f1 b\u00fct\u00fcn aziz miras\u00e7\u0131lar\u0131 ve Sizi\u00f1 a\u00e7\u0131q-ayd\u0131n aqlar\u0131\u00f1\u0131zn\u0131\u00f1, ukrain halq\u0131n\u0131\u00f1 aqlar\u0131n\u0131\u00f1 ve b\u00fct\u00fcn adamlar ve milletler i\u00e7\u00fcn diniy serbestliklerni\u00f1 b\u00fct\u00fcn qor\u00e7alayc\u0131lar\u0131 tur\u0131p, bu vaqian\u0131 qayd eteler. Olarn\u0131\u00f1 episi duva ruh\u0131nda mevc\u00fct ol\u0131p, bizim quvan\u00e7\u0131m\u0131zn\u0131 ve memn\u00fcniyetimizni payla\u015falar”, – dep bildirdi Ek\u00fcmenik Patrigi K\u0131yiv ve b\u00fct\u00fcn Ukraina Mitropoliti Yepifaniyge.
\nK\u0131yiv ve b\u00fct\u00fcn Ukraina Mitropoliti Yepifaniy \u00f6z nevbette Tomosn\u0131 imzala\u011fan Patrik Varfolomeyge \u00f6z minnetdarl\u0131\u011f\u0131n\u0131 bildirip, Ukraina Ortodoks Kilisesi bu Tomosn\u0131 sab\u0131rs\u0131zl\u0131qnen ve eyecannen beklegenini haber etti.
\n“Bundan \u011fayr\u0131, Ukraina Prezidenti ve on\u0131\u00f1 ile beraber ya da on\u0131\u00f1 reberiyetinde bulun\u0131p, ukrain ortodoks din ve inan\u011fanlar nesillerini\u00f1 arzular\u0131n\u0131 yerine ketirip, yek\u00e2ne yerli mustaqil ortodoks kilisesini te\u015fkil etmege yard\u0131m etkenlerge \u00f6z minnetdarl\u0131\u011f\u0131mn\u0131 bildirmege isteyim. Prezident efendi, ad\u0131\u00f1\u0131z Ulu Volod\u0131m\u0131r, \u0130kmetli Yaroslav, Ostrogl\u0131 Konstantin ve getman \u0130van Mazepa kibi \u015fh\u0131slarn\u0131\u00f1 adlar\u0131 ile beraber ebediyen ukrain halq\u0131n\u0131\u00f1 ve kilisesini\u00f1 tarihinde qalacaqt\u0131r”, – dep aytt\u0131 o.<\/p>\n","protected":false},"featured_media":34523,"template":"","publication-type":[44],"class_list":["post-34522","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n