Ukraina Prezidenti Volod\u0131m\u0131r Zelensk\u0131y Uquqiy isl\u00e2at meseleleri boyunca komissiyan\u0131\u00f1 esas y\u00f6neli\u015flerini belgiledi. Devlet ba\u015fl\u0131\u011f\u0131 ukrain cemiyeti isl\u00e2atlar ke\u00e7irmek vadelerinden bezgenini ve ker\u00e7ek de\u00f1i\u015fmelerni beklegenini qayd etti.<\/p>\n
”Ke\u00e7enlerde Yuqar\u0131 \u015euras\u0131 taraf\u0131ndan qabul etilgen qanun leyhalar\u0131 devletimizde muim global ceryanlarn\u0131 ya\u00f1\u0131dan ba\u015flata. Ukrainadaki qanun leyhac\u0131l\u0131q saas\u0131nda daa muntazam ve emiyetli ad\u0131mlar yapmaq vaq\u0131t\u0131 keldi”, – Uquqiy isl\u00e2at meseleleri boyunca komissiyan\u0131\u00f1 Prezident Ofisinde ol\u0131p ke\u00e7ken otur\u0131\u015f\u0131n\u0131 a\u00e7ar eken, dep qayd etti Volod\u0131m\u0131r Zelensk\u0131y.<\/p>\n
Devlet ba\u015fl\u0131\u011f\u0131 aytqan\u0131na k\u00f6re, ba\u015fqa meselelernen beraber, Komissiya detsentralizatsiya saas\u0131nda isl\u00e2atn\u0131 devam et\u00fcvnen de o\u011fra\u015facaqt\u0131r.<\/p>\n
”As\u0131l\u0131nda bu, detsentralizatsiya i\u00e7\u00fcn esas qanuniy temeldir. On\u0131\u00f1 yoqlu\u011f\u0131 yerli \u00f6z-\u00f6z\u00fcni idare et\u00fcv isl\u00e2at\u0131n\u0131 q\u0131y\u0131nla\u015ft\u0131ra. Territorial cemiyetlerni\u00f1 vek\u00e2letleri ve status\u0131 belgisiz, vil\u00e2yet ve rayon seviyelerinde akimiyetni\u00f1 isl\u00e2at etilmesi imk\u00e2ns\u0131zd\u0131r. Bu meselelerde yerli \u00f6z-\u00f6z\u00fcni idare et\u00fcv boyunca Avropa hartiyas\u0131 ve e\u00f1 g\u00fczel d\u00fcnya tecribesi q\u0131lavuz\u0131m\u0131z vazifesine becermeli”, – dep il\u00e2n etti o.<\/p>\n
Volod\u0131m\u0131r Zelensk\u0131y qayd etkenine k\u00f6re, Uquqiy isl\u00e2at meseleleri boyunca komissiya Esas Qanunn\u0131\u00f1 insan aqlar\u0131 boyunca b\u00f6l\u00fcgine de\u00f1i\u015fmeler az\u0131rlamal\u0131. ”Vatanda\u015flar\u011fa yerli seviyede qararlarn\u0131 qabul etmek aqlar\u0131 berilmeli. Bu c\u00fcmleden, soravlarn\u0131 ve milliy seviyede qararlarn\u0131 qabul et\u00fcvde vatanda\u015flarn\u0131\u00f1 i\u015ftirak et\u00fcv aqq\u0131n\u0131 k\u00f6zde tutam”, – dep aytt\u0131 o.<\/p>\n
Komissiya faaliyetinde daa bir esas y\u00f6neli\u015f olaraq Prezident vaqt\u0131nca i\u015f\u011fal etilgen topraqlarn\u0131 \u011fayr\u0131dan integratsia et\u00fcvni\u00f1 uquqiy meselelerini qayd etti. Volod\u0131m\u0131r Zelensk\u0131y aytqan\u0131na k\u00f6re, sil\u00e2l\u0131 davan\u0131\u00f1 neticelerini a\u015fmaq ve t\u0131n\u00e7l\u0131qn\u0131 \u011fayr\u0131dan tiklemek i\u00e7\u00fcn ke\u00e7ici devirde adliye tertibat\u0131n\u0131 qurmaq kerek.<\/p>\n
”On\u0131\u00f1 i\u00e7ine cenk qurbanlar\u0131na zararlar\u0131n\u0131 \u00f6dev, a\u011f\u0131r cinayetler i\u015flegenlerni mes\u00fcliyetke \u00e7ek\u00fcv, dava vaqialarn\u0131\u00f1 keti\u015fat\u0131 aqq\u0131nda ker\u00e7ekni bilmek aqq\u0131n\u0131 yerine ketir\u00fcv kibi tedbirler kirmeli”, – dep qayd etti Volod\u0131m\u0131r Zelensk\u0131y.<\/p>\n
Bundan \u011fayr\u0131, devlet ba\u015fl\u0131\u011f\u0131 vaqt\u0131nca i\u015f\u011fal etilgen Q\u0131r\u0131mn\u0131 ve devletni\u00f1 \u015farq\u0131ndaki topraqlarn\u0131 i\u015f\u011falden azat et\u00fcv, olarn\u0131 Ukraina nezareti alt\u0131na qaytaruv ve ealini \u011fayr\u0131dan integratsiya et\u00fcv boyunca strategiyan\u0131 az\u0131rlamaq kerek ol\u011fan\u0131n\u0131 qayd etti.<\/p>\n
”Bu, Q\u0131r\u0131m ve \u015farq\u0131m\u0131zdaki topraqlar \u00fczerinde nezaret \u011fayr\u0131dan tiklengen so\u00f1 insanlarn\u0131\u00f1 ya\u015fay\u0131\u015f\u0131 nas\u0131l olacaq, i\u015f\u011falci akimiyet ile i\u015fbirlik i\u00e7\u00fcn nas\u0131l mes\u00fcliyet olacaq ve ondan kim azat etilecek kibi m\u00fcrekkep suallerge cevaplard\u0131r”, – dep qayd etti Prezident.<\/p>\n
Bundan \u011fayr\u0131, Komissiya mahkeme isl\u00e2at\u0131na yana\u015fuvn\u0131 ya\u00f1\u0131dan baq\u0131p \u00e7\u0131qacaqt\u0131r, \u00e7\u00fcnki ihtisas boyunca baalav ceryan\u0131 semereli olma\u011fan\u0131 sebebinden mahkemelerni\u00f1 ekseriyeti ”as\u0131l\u011fan” vaziyette buluna. Prezident mahkemelerni t\u0131\u015ftan idare et\u00fcv ameliyat\u0131ndan vazge\u00e7mek ve ayn\u0131 vaq\u0131tta ukrain mahkemesine i\u015fan\u00e7n\u0131 \u011fayr\u0131dan tiklemek kerek, dep saya.”\u00c7oq laf etmek m\u00fcmk\u00fcn, amma isl\u00e2at ke\u00e7megenini\u00f1 a\u00e7\u0131q-ayd\u0131n isbat\u0131 – vatanda\u015flarn\u0131\u00f1 ukrain mahkemesine i\u015fanma\u011fan\u0131d\u0131r. Mahkemelerimizden ziyade ukrainal\u0131lar tek Rusiye matbuat vastalar\u0131na i\u015fanmaylar. Biz bun\u0131 de\u00f1i\u015ftirmelimiz”, – dep qayd etti Volod\u0131m\u0131r Zelensk\u0131y.<\/p>\n
Komissiya faaliyetini\u00f1 daa bir y\u00f6neli\u015fi Ukraina havfs\u0131zl\u0131q h\u0131zmetini\u00f1 isl\u00e2at\u0131d\u0131r. ”Yani, Avropa ananeleri boyunca, Ukraina havfs\u0131zl\u0131q h\u0131zmetini iqtisadiyat, qapar\u00e7\u0131l\u0131q ve kontrabanda saalar\u0131nda cinayetlerge qar\u015f\u0131l\u0131q k\u00f6ster\u00fcv ve devletni\u00f1 iqtisadiy menfaatlar\u0131n\u0131 istihbarat vastalar\u0131nen qor\u00e7alav kibi vek\u00e2letlerinden marum et\u00fcv”, – dep qayd etti Prezident.<\/p>\n
Bundan \u011fayr\u0131, Komissiya savc\u0131l\u0131q isl\u00e2at\u0131, bu c\u00fcmleden, Ba\u015f prokuror Ofisini idare et\u00fcv i\u00e7\u00fcn semereli uquqiy vastalarn\u0131 i\u015flet\u00fcv, akimiyet organlar\u0131n\u0131\u00f1 uy\u011funla\u015ft\u0131r\u0131l\u011fan areketleri, prokurorlarn\u0131\u00f1 protsesual ba\u011f\u0131ms\u0131l\u0131\u011f\u0131 ve mustaqilligi i\u00e7\u00fcn tekliflerinen payla\u015fmal\u0131. Komissiyan\u0131\u00f1 vazifeleri aras\u0131nda cinaiy protsesual qanuniyetni insanla\u015ft\u0131ruv, davalarn\u0131 ara\u015ft\u0131ruv ve mahkemede baquv esnas\u0131nda semereli ve tutuml\u0131 vastalarn\u0131 i\u015flet\u00fcv i\u00e7\u00fcn tekliflerini az\u0131rlav.<\/p>\n
Hat\u0131rlatmaq isteymiz ki, Uquqiy isl\u00e2at meseleleri boyunca komissiya Ukraina Prezidenti yan\u0131nda mesleat-mu\u015favere organ\u0131 vazifesini becere. On\u0131\u00f1 esas vazifesi – halqara vek\u00e2letlerini k\u00f6z \u00f6g\u00fcne alaraq, Esas qanun boyunca uquq \u00fcst\u00fcnligi, insan ve vatanda\u015f aqlar\u0131n\u0131\u00f1 ve serbestliklerini\u00f1 ilk nevbetligi esas\u0131nda uquqiy tertibat\u0131n\u0131\u00f1 inki\u015faf etmesine h\u0131zmettir.<\/p>\n","protected":false},"featured_media":35158,"template":"","publication-type":[44],"class_list":["post-35157","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n