Ukraina \u015farq\u0131ndaki be\u015f y\u0131ll\u0131q cenkten so\u00f1 niayet Donbasn\u0131 ve Q\u0131r\u0131mn\u0131 \u011fayr\u0131dan integratsiya et\u00fcv boyunca havfs\u0131z strategiya peyda olmal\u0131. O, m\u0131tlaqa d\u00f6rt q\u0131s\u0131mdan ibaret olmal\u0131. Bu aqta Ukraina Prezidenti Volod\u0131m\u0131r Zelenskiy Mariupoldeki ”Birlik forum\u0131n\u0131\u00f1” a\u00e7\u0131luv\u0131nda \u00e7\u0131q\u0131\u015fta bulun\u011fan arada il\u00e2n etti.<\/p>\n
Devlet ba\u015fl\u0131\u011f\u0131 bu strategiyan\u0131\u00f1 q\u0131s\u0131mlar\u0131 forumda taqdim etilecegini ve muzakerege muhta\u00e7 ol\u011fan\u0131n\u0131 qayd etti.<\/p>\n
”Bu, k\u00fctleviy \u015fekilde muzakere etile bilecek baq\u0131\u015f\u0131m\u0131zd\u0131r. On\u0131 g\u00fczelle\u015ftirmek maqsad\u0131nen muzakere etilmeli. Ne i\u00e7\u00fcn? \u00c7\u00fcnki bun\u0131, kene de, halqara tecribe tasd\u0131qlay. Er \u015feyni\u00f1 g\u00fczel \u00e7al\u0131\u015fmas\u0131 i\u00e7\u00fcn, t\u0131n\u00e7l\u0131qqa int\u0131luvlar\u0131m\u0131z muvafaqiyetli olmalar\u0131 i\u00e7\u00fcn, devlet siyaseti m\u0131tlaqa d\u00f6rt q\u0131s\u0131mdan ibaret olmal\u0131”, – dep aytt\u0131 Volod\u0131m\u0131r Zelenskiy.<\/p>\n
Olardan biri – \u015feffafl\u0131q ve halq \u00f6g\u00fcnde a\u00e7\u0131ql\u0131qt\u0131r. Prezident qayd etti ki, devlet \u00f6z ad\u0131mlar\u0131n\u0131 a\u00f1latmal\u0131 ve grajdanl\u0131q cemiyeti ile do\u011fru yollarn\u0131 tapmal\u0131, k\u00fctleviy milliy dialogn\u0131\u00f1 te\u015febb\u00fcs\u00e7isi olmal\u0131d\u0131r.<\/p>\n
”Devletni\u00f1 kelecegi aqq\u0131nda s\u00f6z y\u00fcrsetile. Biz i\u00e7 bir vaq\u0131t b\u00f6yle vaziyetke rast kelmegen edik. On\u0131\u00f1 i\u00e7\u00fcn, men eminim ki, i\u00e7 bir siyaset\u00e7i, ekspert ya da cemaat faalcisi m\u0131nda muvafaqiyetli tecribesi ile maqtan\u0131p olamaz, kimseni\u00f1 ”Men ve yal\u0131\u00f1\u0131z men neler do\u011fru ol\u011fan\u0131n\u0131 bilem, tek menim baq\u0131\u015f\u0131m do\u011fru” dep aytma\u011fa aqq\u0131 yoq”, – dep qayd etti Prezident. – Biz bir-birimizni e\u015fitmelimiz, pensiyalarn\u0131 t\u00f6lev ve ticariy t\u00f6smenge aluv kibi b\u00fct\u00fcn keskin meselelerni ise suvuq ba\u015f ile, siyasiy \u015f\u0131arlarn\u0131 aytmay\u0131p ve Ukrainan\u0131\u00f1 ve Ukraina vatanda\u015flar\u0131n\u0131\u00f1 menfaatlar\u0131n\u0131 birinci yerge qoy\u0131p \u00e7ezmelimiz”.<\/p>\n
Devlet ba\u015fl\u0131\u011f\u0131 qayd etti ki, b\u00f6yle alda devlet strategiyas\u0131n\u0131\u00f1 ekinci q\u0131s\u0131m\u0131 – fikir birligi peyda olur. Ukrain cemiyeti Donbasn\u0131 ve Q\u0131r\u0131mn\u0131 nezaret alt\u0131na qaytaruv yollar\u0131 boyunca a\u00f1la\u015fma\u011fa kelmeli, \u00e7\u00fcnki i\u00e7timaiyat cemiyette bu meselege \u00e7esit t\u00fcrl\u00fc baq\u0131\u015flar mevc\u00fct ol\u011fan\u0131n\u0131 numay\u0131\u015f ete.<\/p>\n
”Er kesni qanaatlendirgen qarar i\u00e7 bir vaq\u0131t tap\u0131lmayca\u011f\u0131nda eminim. Amma \u00e7oqluq taraf\u0131ndan qol tut\u0131lacaq bir \u015fekilini tapmal\u0131m\u0131z. Cemiyet Donbasn\u0131 ve Q\u0131r\u0131mn\u0131 \u011fayr\u0131dan integratsiya et\u00fcvni\u00f1 \u015fartlar\u0131n\u0131, ke\u00e7ici devirde adalet \u00fcmdelerini a\u00f1lamal\u0131 ve olarnen raz\u0131 olmal\u0131. Umumiy k\u00f6r\u00fc\u015fni\u00f1 yoqlu\u011f\u0131 areketimizni toqtata”, – dep aytt\u0131 Prezident.<\/p>\n
Volod\u0131m\u0131r Zelenskiyni\u00f1 fikirince, umumiy k\u00f6r\u00fc\u015fni\u00f1 peyda oluv\u0131na al-az\u0131rda qorqu keder etmekte. B\u00f6yleliknen, Ukrainan\u0131\u00f1 nezareti alt\u0131ndaki topraqlarda ya\u015fa\u011fan baz\u0131 insanlar aydutlarn\u0131\u00f1 afu etileceginden, ”boz” cinaiy zonan\u0131\u00f1 saqlanmas\u0131ndan, ya da Q\u0131r\u0131m ve Donbas Rusiye Federatsiyas\u0131n\u0131\u00f1 teslim oluv ile bir ol\u011fan \u015fartlar\u0131na k\u00f6re qaytar\u0131laca\u011f\u0131ndan qorqa. Ayn\u0131 vaq\u0131tta ay\u0131ruv \u00e7izgisini\u00f1 \u00f6b\u00fcr taraf\u0131nda ya\u015fa\u011fan adiy insanlarn\u0131 cezalavlar, til ve medeniyet meselelerinde zorbal\u0131q ve ayr\u0131mc\u0131l\u0131q ile qorqutalar.<\/p>\n
”Bu qorqular ne i\u00e7\u00fcn mevc\u00fct? \u0130lk nevbette bu, \u00e7oq y\u0131llar evelsi ba\u015flan\u011fan Rusiye propagandas\u0131n\u0131\u00f1 neticesi ol\u011fan\u0131n\u0131 a\u00f1laym\u0131z. Ve q\u0131smen ukrain haber saas\u0131nda manipul\u00e2tsiyalarn\u0131\u00f1 tesiridir”, – dep aytt\u0131 o.<\/p>\n
Prezident emin ki, b\u00f6yle \u015faraitlerde devlet muntazam \u015fekilde \u00f6z haber siyasetini al\u0131p barmal\u0131, matbuat vastalar\u0131 ise ealini\u00f1 media saas\u0131ndaki bilgi seviyesini artt\u0131rmal\u0131d\u0131r.<\/p>\n
\u011eayr\u0131dan integratsiya et\u00fcv boyunca devlet strategiyas\u0131n\u0131\u00f1 \u00fc\u00e7\u00fcnci ay\u0131r\u0131lmaz q\u0131s\u0131m\u0131 ise ker\u00e7ekliktir. Prezident i\u015f\u011fal etilgen topraqlarn\u0131\u00f1 arbiy vastalarnen qolay ve tez qaytar\u0131luv\u0131 aqq\u0131nda fikirlerni\u00f1 ya\u00f1l\u0131\u015f ol\u011fan\u0131n\u0131 qayd etti.<\/p>\n
”\u0130\u015f\u011fal etilgen Donbas topraqlar\u0131nda ya\u015fa\u011fan b\u00fct\u00fcn insanlar yar\u0131n ukrain tilinde laf etip ba\u015flamayca\u011f\u0131n\u0131 a\u00f1lamal\u0131m\u0131z. \u00d6z\u00fcmizni b\u00f6yle hayallarnen aldatmamal\u0131m\u0131z. Er \u015fey t\u0131ls\u0131ml\u0131 taya\u00e7\u0131qnen salla\u011fan\u0131m\u0131zdan so\u00f1 yerine kelecegine inanmamal\u0131m\u0131z. Ker\u00e7ekci ol\u0131p, ac\u0131 aqiqattan qorqmamal\u0131m\u0131z”, – dep qayd etti o.<\/p>\n
Strategiyan\u0131\u00f1 so\u00f1ki q\u0131s\u0131m\u0131, Prezidentni\u00f1 fikirince, devletni\u00f1 \u00f6z planla\u015ft\u0131r\u0131l\u011fan areketlerini amelge ke\u00e7irmek qabiliyetidir.<\/p>\n
”Muvafaqiyetler aqq\u0131nda Feysbukta yaz\u0131l\u011fan ik\u00e2yeler degil de, ker\u00e7ek ad\u0131mlar ve neticeler. Milliy birlik boyunca istesek 10 strategiya qabul ete bilemiz, amma ker\u00e7ek ad\u0131mlar yapmadan olarn\u0131\u00f1 i\u00e7 birisini amelge ke\u00e7irememiz”, – dep qayd etti Volod\u0131m\u0131r Zelenskiy.<\/p>\n
Prezident qayd etkenine k\u00f6re, al-az\u0131rda milliy birlik i\u00e7\u00fcn esas temelni tek til ve tarihiy ke\u00e7mi\u015f degil de, q\u0131ymetler te\u015fkil ete. Bu c\u00fcmleden, serbestlik, demokratiya, grajdanl\u0131q cemiyeti ve uquqiy devlet, itibarl\u0131 ya\u015fay\u0131\u015f seviyesi, eyilik, tolerantl\u0131q, terbiye, tertiplik, qanunlarn\u0131, \u015fahsiy m\u00fclkiyetni ve bir-birini \u00fcrmet et\u00fcv kibi q\u0131ymetler aqq\u0131nda s\u00f6z y\u00fcrsetile.<\/p>\n","protected":false},"featured_media":35195,"template":"","publication-type":[44],"class_list":["post-35194","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n