Er k\u00fcn i\u015f\u011fal etilgen Q\u0131r\u0131mn\u0131\u00f1 sakinleri yar\u0131madan\u0131\u00f1 azat etilecegine inanuvlar\u0131n\u0131 ifadelep, rus i\u015f\u011falcilerine toqtamay\u0131p qar\u015f\u0131l\u0131q k\u00f6stermege devam ete. Q\u0131r\u0131m sakinleri aras\u0131ndaki i\u00e7timaiy ruh aqq\u0131nda #qar\u015f\u0131l\u0131q_areketi rubrikam\u0131zda ya\u00f1\u0131 haberlernen payla\u015fma\u011fa devam etemiz. <\/p>\n\n\n\n
\u0130\u015f\u011fal etilgen Sudaqta i\u015f\u011falciler i\u00e7timaiy a\u011flarda rus ordus\u0131n\u0131 ve putinni yamanla\u011fan yaz\u0131lar payla\u015fqan bir qad\u0131nn\u0131 tutt\u0131. Qad\u0131nn\u0131\u00f1 evinde ke\u00e7ken qanuns\u0131z tint\u00fcv vaqt\u0131nda ukrain bayraqlar\u0131 ve timsal\u00e2t\u0131 tap\u0131ld\u0131. <\/p>\n\n\n\n
\u0130\u015f\u011fal etilgen Yalta sakini Tet\u00e2na Bibik i\u00e7timaiy a\u011flarda i\u015f\u011falci memuriyetlerni ve i\u015f\u011falci ordun\u0131 yamanla\u011fan yaz\u0131lar payla\u015fqan\u0131 i\u00e7\u00fcn qanuns\u0131z \u015fekilde tevqif etildi. “Dava” materiallar\u0131 “mahkemege” yiberildi, qad\u0131nn\u0131 kamera \u00f6g\u00fcnde afu sorama\u011fa zorlad\u0131lar. <\/p>\n\n\n\n
\u0130\u015f\u011fal etilgen Aqmescitte yerli sakin Nataliya Turta, i\u00e7timaiy a\u011flarda i\u015f\u011falcilerni ve putinni tenqit etkeni, ukrain timsalat\u0131 ve y\u0131rlar\u0131n\u0131 payla\u015fqan\u0131, Ukraina Silal\u0131 Quvetlerine qol tutqan\u0131 i\u00e7\u00fcn 5 k\u00fcnge tevqif etilip, 30 bi\u00f1 ruble c\u00f6reme t\u00f6ledi. Qad\u0131nn\u0131 kamera \u00f6g\u00fcnde afu sorama\u011fa zorlad\u0131lar.<\/p>\n\n\n\n
\u0130\u015f\u011fal alt\u0131ndaki Yalta rayonun\u0131\u00f1 Partenit qasabas\u0131 sakini Valeriy Filipov, i\u00e7timaiy a\u011flarda Ukraina\u011fa qoltutqan anonim saife al\u0131p bar\u011fan\u0131 ve i\u015f\u011falcilerni\u00f1 cinayetlerini a\u00f1latqan\u0131 i\u00e7\u00fcn qanuns\u0131z olaraq tutuld\u0131. Filipov\u011fa 100 bi\u00f1 r\u00fcble c\u00f6reme t\u00f6letip, 10 k\u00fcnge tevqif ettiler. <\/p>\n\n\n\n
\u0130\u015f\u011falciler Keri\u00e7 \u015feerinde Gubskiy Olegni tevqif ettiler. \u015eeer sakini i\u00e7timaiy a\u011flarda i\u015f\u011falci ordus\u0131 ve memuriyetni tenqit etken. On\u0131 apiske yollap, qanuns\u0131z \u015fekilde “rusiye sil\u00e2l\u0131 quvetlerini itibardan t\u00fc\u015f\u00fcr\u00fcvde” ve s\u00f6zde LGBT propagandas\u0131nda qabaatlad\u0131lar. Gubskiyke 150 bi\u00f1 ruble c\u00f6reme belgilendi. <\/p>\n\n\n\n
\u0130\u015f\u011fal etilgen Kefede i\u015f\u011falci quvet\u00e7iler s\u00f6zde “merkez e” ile birlikte qanuns\u0131z \u015fekilde yerli sakin R\u0131balka Ruslann\u0131 tevqif ettiler. On\u0131, rus i\u015f\u011falci memuriyetini tenqit etkeni i\u00e7\u00fcn s\u00f6zde “ekstremizm \u00e7a\u011f\u0131ruvlar\u0131nda” qabaatlaylar. \u0130\u015f\u011falciler cinaiy “dava” a\u00e7t\u0131, erkek 4 y\u0131l\u011fa qadar apis etile bile. <\/p>\n\n\n\n
\u201cJovta stri\u00e7ka\u201d (\u201cSar\u0131 \u015ferit\u201d) areketini\u00f1 faalleri i\u015f\u011falcilerge qar\u015f\u0131l\u0131\u011f\u0131n\u0131 k\u00f6stermege devam \u200b\u200betip, i\u015f\u011fal alt\u0131ndaki Q\u0131r\u0131mda i\u015f\u011falcilerni\u00f1 propaganda materiallar\u0131n\u0131 yoq ete ve Ukrainan\u0131 desteklegen materiallarn\u0131 tarqatalar. B\u00f6yle etip, Ukraina\u011fa qol tutuv plakatlar\u0131 ve sar\u0131 \u015feritler kene Aqmescit, Yalta ve Kefe \u015feerlerinde peyda old\u0131.\u00a0 <\/p>\n\n\n\n
\u201cKr\u0131mski boyovi \u00e7ayk\u0131\u201d (\u201cQ\u0131r\u0131mn\u0131\u00f1 cenk\u00e2ver \u00e7a\u011falalar\u0131\u201d) faalleri i\u015f\u011fal etilgen Q\u0131r\u0131mda satq\u0131nlarn\u0131\u00f1 ve i\u015f\u011falcilerni\u00f1 \u015fahsiy mal\u00fcmatlar\u0131n\u0131 bildirmege devam ete.\u00a0Faaller 2000 senesi ba\u015fla\u011fan ve ukrain y\u0131rc\u0131lar\u0131 sayesinde inki\u015faf etken Yalta Summer Jam festivalini Q\u0131r\u0131mn\u0131\u00f1 i\u015f\u011falinden so\u00f1 i\u015f\u011falcilerge “\u00f6z\u00fcne alma\u011fa” yard\u0131m etken satq\u0131nlarn\u0131\u00f1 \u015fahsiy mal\u00fcmatlar\u0131n\u0131 tapma\u011fa ve bildirmege devam ete.\u00a0<\/p>\n\n\n\n
\u201cZla Mavka\u201d (\u201cA\u00e7uvl\u0131 Mavka\u201d) qar\u015f\u0131l\u0131q areketini\u00f1 faalleri \u201cQ\u0131r\u0131m \u2013 Ukraina\u201d ol\u011fan\u0131n\u0131 ve i\u015f\u011falcilerni\u00f1 Q\u0131r\u0131mda istenilmegenini hat\u0131rlatqan “ya\u00f1\u0131” kup\u00fcralar ve vatanseverlik stikerleri tarqatt\u0131. Ondan da \u011fayr\u0131, faaller k\u00fcndeliklerini al\u0131p barma\u011fa ve i\u015f\u011falcilerni\u00f1 cinayetlerini k\u00f6stergen aftal\u0131q mecmuan\u0131 derc etmege devam ete.\u00a0<\/p>\n\n\n\n
\u201cATE\u015e\u201d areketini\u00f1 faalleri\u00a0i\u015f\u011fal etilgen yar\u0131madada ava mudafaa sistemalar\u0131n\u0131\u00f1 artmas\u0131n\u0131 qayd ete. Faaller rus komandanl\u0131\u011f\u0131n\u0131\u00f1 m\u00fcmk\u00fcn ol\u011fan yollarnen Q\u0131r\u0131mdaki m\u00fcim arbiy obyektlerni qapatma\u011fa t\u0131r\u0131\u015fqan\u0131n\u0131, amma ava mudafaa sistemalar\u0131n\u0131\u00f1 kritik seviyede yetmegenini bildirdi. Ondan da \u011fayr\u0131, “ATE\u015e” rusiyeni\u00f1 Qara de\u00f1izde arbiy y\u00fcklerni ta\u015f\u0131maq i\u00e7\u00fcn armiyolma\u011fan gemilerni qullan\u011fan\u0131 aqq\u0131nda mal\u00fcmat berdi. Ayn\u0131 zamanda faaller i\u015f\u011fal etilgen Cank\u00f6y \u015feerine pek \u00e7oq asker ketirilgenini qayd ete. Rus istil\u00e2c\u0131larn\u0131\u00f1 pek \u00e7oq \u011fay\u0131plar\u0131 ol\u011fan\u0131 i\u00e7\u00fcn kreml bu \u011fay\u0131plarn\u0131 ivaz etmek i\u00e7\u00fcn qanuns\u0131z \u015fekilde gizli seferberlik ke\u00e7ire. Neticede i\u015f\u011falciler cebege yiberilmek i\u00e7\u00fcn i\u015f\u011fal etilgen Cank\u00f6yge ketirile. Bundan da \u011fayr\u0131, “ATE\u015e” faallerini\u00f1 mal\u00fcmat\u0131na k\u00f6re, arbiy ve arbiyolma\u011fan hastahaneler cebeden ketirilgen yaral\u0131 i\u015f\u011falcilernen tolu. On\u0131\u00f1nen beraber faaller Aqyarda i\u015f\u011falcilerni\u00f1 Qara de\u00f1iz flotuna ait maddiy-tehnikiy teminat bazas\u0131n\u0131 tap\u0131p old\u0131, b\u00fct\u00fcn mal\u00fcmat Ukraina Sil\u00e2l\u0131 Quvetlerine bildirildi. <\/p>\n\n\n\n
\ud83e\udd2c Q\u0131r\u0131mn\u0131\u00f1 i\u015f\u011falci makemelerinde s\u00f6zde \u201crus ordus\u0131n\u0131 itibardan t\u00fc\u015f\u00fcr\u00fcv\u201d maddesine k\u00f6re ya\u00f1\u0131 memuriy davalarn\u0131\u00f1 a\u00e7\u0131kmas\u0131 da yar\u0131madadaki qar\u015f\u0131l\u0131qn\u0131\u00f1 art\u0131\u015f\u0131n\u0131 k\u00f6stere. Aprelni\u00f1 4-ne qadar vaqt\u0131nca i\u015f\u011fal etilgen Q\u0131r\u0131mda, i\u015f\u011falci \u201cmakemelerde\u201d ve ba\u015fqa \u201ckompetentli organlarda\u201d rusiye federatsiyas\u0131 Memuriy uquq bozuvlar\u0131 kodeksini\u00f1 20.3.3 maddesine k\u00f6re protokol tizilgen 737 vaqia qayd etildi. Olar aras\u0131nda 641 adisede para cezas\u0131 \u015feklinde memuriy ceza berilmesi ya da ba\u015fqa dava\u011fa qo\u015ful\u0131p, umumiy tedbir \u00e7\u0131qar\u0131lmas\u0131 aqq\u0131nda qarar berildi. 20 adise al\u00e2 daa baq\u0131la.\ud83e\udd2c<\/p>\n\n\n\n
Ces\u00fcrligi\u00f1iz ve vatanperverligi\u00f1iz i\u00e7\u00fcn sa\u011f olu\u00f1\u0131z! Q\u0131r\u0131m \u2013 bu Ukraina, ve biz Q\u0131r\u0131m yar\u0131madas\u0131n\u0131\u00f1 e\u00f1 yaq\u0131n zamanda Ukraina terkibine qaytar\u0131lmas\u0131, vaqt\u0131nca i\u015f\u011fal etilgen topraqlarda ya\u015fa\u011fan vatanda\u015flar\u0131m\u0131z\u011fa ise havfs\u0131zl\u0131q duy\u011fus\u0131n\u0131 temin etmek i\u00e7\u00fcn ep birlikte \u011fayret etemiz.<\/p>\n\n\n\n
Ukraina\u011fa \u015fan-\u015f\u00fcret!<\/p>\n","protected":false},"featured_media":54069,"template":"","publication-type":[98],"class_list":["post-54131","press-center","type-press-center","status-publish","has-post-thumbnail","hentry","publication-type-rukh-sprotyvu-qt"],"acf":[],"yoast_head":"\n