2022 senesi aprelni\u00f1 29-nda vatanda\u015f jurnalist ve insan aqlar\u0131 faali \u0130rina Danilovi\u00e7 vaqt\u0131nca i\u015f\u011fal etilgen Q\u0131r\u0131mn\u0131\u00f1 K\u00f6ktebel qasabas\u0131nda FSB hadimleri taraf\u0131ndan qa\u00e7\u0131r\u0131ld\u0131. O, i\u015f yerinden evge qaytayatqanda, avtobus toqtav yeri yan\u0131nda eki belli olma\u011fan adam on\u0131 zornen ma\u015fina\u011fa s\u00fcyreklep, belli olma\u011fan tarafqa al\u0131p kettiler.<\/p>\n\n\n\n
Ayn\u0131 k\u00fcn i\u015f\u011falci tel\u00fckesizlik k\u00fc\u00e7leri Kefe civar\u0131ndaki Vladislavivka k\u00f6y\u00fcnde Danilovi\u00e7ler qorantas\u0131n\u0131\u00f1 evine keldiler. Resmi vesiqalarn\u0131 k\u00f6stermeyip, tint\u00fcv ke\u00e7irgen so\u00f1, \u0130rinan\u0131\u00f1 noutbuk\u0131n\u0131, qoranta azalar\u0131n\u0131\u00f1 telefonlar\u0131n\u0131 ve \u015fahsiy \u015feylerini elge ke\u00e7irdiler, ana-babas\u0131na da i\u00e7 bir al\u00e2qa vastas\u0131 qald\u0131rmad\u0131lar. \u0130rinan\u0131\u00f1 babas\u0131 Bronislav Danilovi\u00e7ni\u00f1 aytqan\u0131na k\u00f6re, tint\u00fcv ciddiy qanun bozuvlarnen ve tehditlernen ke\u00e7irilgen.<\/p>\n\n\n\n
“Bu s\u0131radan bir k\u00fcn edi, \u0130rina \u00f6z i\u015fini bitirip, evge qaytacaq edi. Ondan bir saat evel bizim evge eki ma\u015fina keldi. Maalle milisi \u00e7\u0131q\u0131p, bizni tintmege kelgenlerini aytt\u0131. Bir mahkeme qarar\u0131 oqud\u0131lar, kopiyas\u0131n\u0131 rica ettim, amma bermediler. So\u00f1 tint\u00fcv ke\u00e7irdiler. Men \u015fa\u015ft\u0131m, l\u00e2kin qorqmad\u0131m – qorqma\u011fa i\u00e7 bir sebep yoq edi. Bizde m\u0131nda bir \u015fey yoq, eger olar qoysalar, o vaq\u0131t bu ba\u015fqa mesele”, \u2014 dedi \u0130rinan\u0131\u00f1 babas\u0131. <\/p>\n\n\n\n
So\u00f1ra eki afta devam\u0131nda qorantas\u0131 \u0130rinan\u0131\u00f1 bulun\u011fan yerini bilmey edi. S\u00f6zde politsiya\u011fa berilgen arizalar ve resmiy q\u0131d\u0131ruv muracaatlar\u0131 i\u00e7 bir netice bermedi. Aile mustaqil \u015fekilde k\u00f6zet\u00fcv kameralar\u0131n\u0131\u00f1 videolar\u0131n\u0131 baq\u0131p, olardan birisinde \u0130rinan\u0131 eki adam qa\u00e7\u0131r\u011fan\u0131n\u0131 k\u00f6rdiler. <\/p>\n\n\n\n
\u0130rina Danilovi\u00e7 qa\u00e7\u0131r\u0131l\u011fan so\u00f1 sekiz k\u00fcn devam\u0131nda FSB podval\u0131nda tutuq status\u0131 olmadan tutuld\u0131. On\u0131\u00f1 s\u00f6zlerine k\u00f6re, o vaq\u0131t devam\u0131nda on\u0131 psihologik basq\u0131\u011fa o\u011fratt\u0131lar, poligraf yard\u0131m\u0131nen sor\u011fu yapt\u0131lar, fizikiy zorbal\u0131qnen qorquzd\u0131lar, \u015fu c\u00fcmleden orman\u011fa ya da Mariupolge al\u0131p ketmeknen tehdit ettiler. On\u0131 k\u00fcnde tek bir kere a\u015fatt\u0131p, ayaqyol\u011fa kirmesini s\u0131\u00f1\u0131rlad\u0131lar, suvuqta tutt\u0131lar, bo\u011fd\u0131lar, i\u015fbirlikke ya da sahte qabaatlavlarn\u0131 itiraf etmesine mecbur etmek i\u00e7\u00fcn k\u00f6teklediler.<\/p>\n\n\n\n
“Advokatqa \u0130rinan\u0131\u00f1 S\u0130ZO-da ol\u011fan\u0131 aqq\u0131nda haber berildi. O vaq\u0131tqace on\u0131 k\u00f6teklemege ve i\u015fkence \u00e7ektirmege toqta\u011fan ediler. Aprelni\u00f1 29-dan may\u0131sn\u0131\u00f1 7-ne qadar qayda ol\u011fan\u0131n\u0131 biz \u015fimdi de bilmeymiz. Anda o\u00f1a ne yap\u0131l\u011fan\u0131ndan da haberimiz yoq”, – qayd etti siyasiy mab\u00fcsni\u00f1 babas\u0131.<\/p>\n\n\n\n
Yoq ol\u011fan\u0131ndan tek 13 k\u00fcn ke\u00e7ken so\u00f1, \u0130rina Danilovi\u00e7 Aqmescit \u015feerini\u00f1 S\u0130ZOs\u0131nda ol\u011fan\u0131 belli old\u0131. Belli ol\u011fan\u0131na k\u00f6re, i\u015f\u011falci idare on\u0131\u00f1 tut\u0131p al\u0131n\u011fan\u0131n\u0131 bir aftadan so\u00f1 qayd etti ve tek ondan so\u00f1 o\u00f1a qar\u015f\u0131 rf cinaiy kodeksini\u00f1 222.1-nci maddesine k\u00f6re “patlat\u0131c\u0131 maddeler ta\u015f\u0131ma” aqq\u0131nda uydurma qabaatlav \u00e7\u0131qard\u0131. <\/p>\n\n\n\n
2022 senesi dekabrni\u00f1 28-nde i\u015f\u011falci “mahkemesi”\u00bb” qanuns\u0131z \u00fck\u00fcm \u00e7\u0131qar\u0131p, qad\u0131n\u011fa 7 y\u0131l umumiy rejimli apis cezas\u0131 ve 50 bi\u00f1 ruble c\u00f6reme belgiledi. Qanuns\u0131z \u00fck\u00fcmde patlat\u0131c\u0131 maddelerni sat\u0131n aluv qabaat\u0131 \u00e7\u0131qar\u0131l\u0131p, tek olarn\u0131 ta\u015f\u0131ma qabaat\u0131 qald\u0131r\u0131ld\u0131. Apiske al\u0131nuv m\u00fcddeti ise 29 aprelden ba\u015flap esapland\u0131.<\/p>\n\n\n\n
2023 senesi mart ay\u0131nda sa\u011fl\u0131\u011f\u0131 bozul\u011fan\u0131 ve kerekli tibbiy yard\u0131m olma\u011fan\u0131ndan \u0130rina Danilovi\u00e7 a\u00e7l\u0131q il\u00e2n etti. Babas\u0131 Bronislav Danilovi\u00e7ni\u00f1 aytqan\u0131na k\u00f6re, \u0130rinan\u0131\u00f1 al\u0131 a\u011f\u0131r edi: qad\u0131n sol qula\u011f\u0131nda e\u015fit\u00fcv qabiliyetini coy\u011fan, ba\u015f\u0131 pek a\u011f\u0131r\u011fan, koordinatsiyas\u0131 bozul\u011fan, belki de, mikroinsult ke\u00e7irgen. <\/p>\n\n\n\n
2023 senesi iy\u00fcn ay\u0131nda “istinaf mahkemesi” \u0130rina Danilovi\u00e7ni\u00f1 cezas\u0131n\u0131 q\u0131smen de\u00f1i\u015ftirip, apis m\u00fcddetini bir ay\u011fa q\u0131sqartt\u0131. L\u00e2kin \u00e7\u0131qar\u0131l\u011fan ceza aqq\u0131nda umumiy qarar \u00f6z quvetinde qald\u0131. <\/p>\n\n\n\n
\u0130rina Danilovi\u00e7 cezas\u0131n\u0131 rf-ni\u00f1 Stavropol b\u00f6lgesi Zelenokumsk \u015feerindeki qad\u0131nlar koloniyas\u0131nda ke\u00e7ire. Tutuluv \u015faraitleri so\u00f1 derece a\u011f\u0131r qalmaqta, o\u00f1a kerekli tibbiy yard\u0131m k\u00f6sterilmey. <\/p>\n\n\n\n
\u0130rina Danilovi\u00e7ni\u00f1 davas\u0131 Q\u0131r\u0131mn\u0131\u00f1 i\u015f\u011falci idaresi taraf\u0131ndan insan aqlar\u0131n\u0131\u00f1 sistemal\u0131 bozulmalar\u0131 ve halqara uquqqa b\u00fct\u00fcnley riayet etilmemeni\u00f1 a\u00e7\u0131q misalidir. 2022 senesi aprelni\u00f1 29-nda qa\u00e7\u0131r\u0131l\u011fan\u0131, uquqiy status\u0131 olmadan tutuluv, \u00e7eki\u015ftir\u00fcv, advokatqa kerekli iri\u015f\u00fcv olmamas\u0131, uydur\u0131l\u011fan qabaatlavlar ve qanuns\u0131z ceza ber\u00fcv Vatanda\u015fl\u0131q ve siyasiy aqlar aqq\u0131nda halqara a\u00f1la\u015fma, \u0130nsan aqlar\u0131 aqq\u0131nda Avropa konventsiyas\u0131 ve Jeneva konventsiyas\u0131nda pekitilgen esas kefaletlerni boza. Danilovi\u00e7ni\u00f1 taqip etilmesi vaqt\u0131nca i\u015f\u011fal etilgen Q\u0131r\u0131mda mustaqil seslerni bast\u0131rma\u011fa ve i\u015f\u011falci rejimini\u00f1 siyasetinen raz\u0131 olma\u011fanlar aras\u0131nda qorqu m\u00fciti y\u00fcklemege y\u00f6nelgen daa keni\u015f repressiya ameliyat\u0131n\u0131\u00f1 bir q\u0131sm\u0131d\u0131r.<\/p>\n","protected":false},"featured_media":71612,"template":"","publication-type":[44],"class_list":["post-71656","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n