\u00d6seyatqan balalar babalar\u0131n\u0131\u00f1 destegine muhtac, amma, afsus ki, baz\u0131lar\u0131 babas\u0131n\u0131\u00f1 yan\u0131nda olmas\u0131ndan ve desteginden marum qalmaqta. Taqvimde adet \u00fczre aile s\u0131caql\u0131\u011f\u0131n\u0131 hat\u0131rlatqan bu bayram Q\u0131r\u0131mda facia al\u00e2metlerini ta\u015f\u0131y. M\u0131nda pek \u00e7oq bala bu k\u00fcnni babas\u0131z qayd etmekte, \u00e7\u00fcnki olarn\u0131\u00f1 babalar\u0131 i\u015f\u011falciler taraf\u0131ndan qanuns\u0131z \u015fekilde apislerge at\u0131ld\u0131. Siyasiy sebeplerden cezalar, ta\u00f1da tint\u00fcvler, evlerde sil\u00e2l\u0131 adamlar \u2014 bularn\u0131\u00f1 episi psihologik travma qald\u0131ra ve qorantalardan en yaq\u0131n insanlarn\u0131 \u00e7ekip \u00e7\u0131qara. Babalar k\u00fcn\u00fc \u2013 rusiye Q\u0131r\u0131mda bir \u00e7oq balan\u0131\u00f1 babalar\u0131n\u0131 al\u011fan\u0131n\u0131 hat\u0131rlamaq i\u00e7\u00fcn daa bir f\u0131rsatt\u0131r. <\/p>\n\n\n\n
Balalarn\u0131\u00f1 k\u00f6zlerindeki ac\u0131n\u0131 M\u00fcmine Saliyeva yah\u015f\u0131 bile. On\u0131\u00f1 aqay\u0131 Seyran Saliyev \u00f6z jurnalistlik ve cemaat\u00e7\u0131l\u0131q faaliyeti i\u00e7\u00fcn qanuns\u0131z \u015fekilde on alt\u0131 y\u0131ll\u0131q apis cezas\u0131 ald\u0131. M\u00fcmine Saliyeva taraf\u0131ndan yarat\u0131l\u011fan “Apiske al\u0131n\u011fandan so\u00f1 do\u011f\u011fanlar” leyhas\u0131 babas\u0131n\u0131\u00f1 qolun\u0131 i\u00e7 bir vaq\u0131t tutma\u011fan, basq\u0131nc\u0131lar\u011fa boysunma\u011fanlarn\u0131\u00f1 evl\u00e2dlar\u0131 ol\u0131p qalacaq balalarn\u0131\u00f1 sesi old\u0131. <\/p>\n\n\n\n
Hanifa Siruk babas\u0131 apiske al\u0131n\u011fan\u0131ndan be\u015f ay so\u00f1 d\u00fcnya\u011fa keldi. O, Seitler rayon\u0131n\u0131\u00f1 Be\u015f Aran k\u00f6y\u00fcnde ya\u015fay. Ukrain musulman\u0131 ve q\u0131r\u0131mtatar faali Vadim Struk 2016 senesi fevralni\u00f1 11-nde tut\u0131p al\u0131nd\u0131, so\u00f1ra diniy sebeplerden dolay\u0131 12 y\u0131l\u011fa mahk\u00fcm etildi. O, ba\u015fq\u0131rtistann\u0131\u00f1 \u21162 sanl\u0131 koloniyas\u0131nda tutula. Andan q\u0131z\u0131na renkli qalemlernen k\u00e2\u011f\u0131t \u00fcst\u00fcnde yap\u0131l\u011fan resimlerni yollay. Q\u0131z babas\u0131nen daa i\u00e7 k\u00f6r\u00fc\u015fmegen edi. Be\u015f ya\u015f\u0131nda ol\u011fanda, on\u0131 birinci kere k\u00f6rdi. <\/p>\n\n\n\n
Muhammed \u0130zetov 2019 senesi may\u0131sn\u0131\u00f1 14-nde Aqmescit \u015feerinde do\u011fd\u0131. On\u0131\u00f1 babas\u0131, Q\u0131r\u0131m uquqqor\u00e7alay\u0131c\u0131s\u0131 ve advokat Riza \u0130zetovn\u0131 eki aftadan so\u00f1 tut\u0131p ald\u0131lar. O, apiske al\u0131nmadan evel siyasiy mabuslerge yard\u0131m ete edi: mahkeme otur\u0131\u015fuvlar\u0131nda i\u015ftirak ete edi, uquqiy mesleatlar bere edi. Riza \u0130zetov \u015fimdi koloniyada tutula; rostov-na-donu \u015feerindeki cen\u00fcbiy b\u00f6lge arbiy mahkemesi on\u0131 qanuns\u0131z olaraq 19 y\u0131l\u011fa apis cezas\u0131na mahk\u00fcm etti. O\u011flu on\u0131 apishaneni\u00f1 t\u0131\u015f\u0131nda k\u00f6rmedi. Anas\u0131 o\u011flann\u0131\u00f1 babas\u0131na be\u00f1zegenini – mant\u0131ql\u0131, inceliklerge diqqatl\u0131 ol\u011fan\u0131n\u0131 qayd ete. <\/p>\n\n\n\n
Amaliya Ayvazova 2019 senesi dekabrni\u00f1 2-nde Aqmescit \u015feerinde do\u011fd\u0131. On\u0131\u00f1 babas\u0131, “Q\u0131r\u0131m birdemligi” faali Raim Ayvazov 2019 senesi aprelni\u00f1 17-nde tutuld\u0131, rostov-na-donu \u015feerindeki cen\u00fcbiy b\u00f6lge arbiy mahkemesi Raimni 17 y\u0131l\u011fa mahk\u00fcm etti. On\u0131 qanuns\u0131z s\u00fcrette rostov vil\u00e2yetindeki 3 sanl\u0131 S\u0130ZO\u011fa qapatt\u0131lar. Bundan evel on\u0131 FSB hadimleri qa\u00e7\u0131r\u0131p, on\u0131 i\u015fkencelerge o\u011fratt\u0131lar. Raim apiske al\u0131nmadan evel Q\u0131r\u0131m siyasiy mab\u00fcslerine yard\u0131m ete edi: pos\u0131lkalar yetkize, repressiyalarn\u0131 qayd ete, mahkeme otur\u0131\u015fuvlar\u0131nda i\u015ftirak ete edi. Q\u0131z\u0131 babas\u0131n\u0131 tek apishane ziyaretlerinde k\u00f6rdi, birinci kere 2023 senesi sent\u00e2br ay\u0131nda. Babas\u0131n\u0131\u00f1 davas\u0131nda s\u00f6zde “prokuratura” mab\u00fcske \u00f6m\u00fcr boyu ceza talap ete.<\/p>\n\n\n\n
Bug\u00fcn Q\u0131r\u0131mda e\u00f1 az 242 bala siyasiy sebeplerden uydur\u0131l\u011fan davalar sebebinden babas\u0131z \u00f6smekte. Olardan on ekisi babalar\u0131 apiske al\u0131n\u011fan so\u00f1 d\u00fcnya\u011fa keldi. Olar a\u011f\u0131r \u015faraitte ya\u015faylar: babalar\u0131 apiske at\u0131lma sebebi aqq\u0131nda laf y\u00fcrsetmege tel\u00fckeli ol\u011fan \u015feerlerde, olar\u011fa qar\u015f\u0131 \u00e7e\u015fit pe\u015fin fikirler ol\u011fan mekteplerde. Bir \u00e7oq bala i\u00e7\u00fcn tint\u00fcvler ve mahkemeler tecribesi balal\u0131q devrini\u00f1 bir par\u00e7as\u0131d\u0131r. Babalar k\u00fcn\u00fcnde tek babalar destegini\u00f1 emiyeti aqq\u0131nda s\u00f6z y\u00fcrsetmek degil de, i\u015f\u011fal etilgen Q\u0131r\u0131mda rusiyeni\u00f1 Ukraina vatanda\u015flar\u0131na qar\u015f\u0131 sistemal\u0131 repressiyalar\u0131 sebebinden babalar\u0131ndan marum etilgen balalarn\u0131\u00f1 meselelerine diqqat \u00e7ekmek m\u00fcimdir. <\/p>\n","protected":false},"featured_media":73971,"template":"","publication-type":[68],"class_list":["post-73973","press-center","type-press-center","status-publish","has-post-thumbnail","hentry","publication-type-special-material"],"acf":[],"yoast_head":"\n