Rusiye federatsiyasu \u00fck\u00fcmeti,\u00a0Avropa \u0130\u015fkencelerge ya da insaniyetsiz, menlikni a\u015fala\u011fan muamele ya da cezalarn\u0131\u00f1 ald\u0131n\u0131 aluv s\u00f6zle\u015fmesini\u00f1\u00a0(bundan so\u00f1\u00a0Avropa i\u015fkencelerge qar\u015f\u0131 s\u00f6zle\u015fme) l\u00e2\u011fu et\u00fcvi aqq\u0131nda (bir devletni\u00f1 taraf ol\u011fan halqara a\u00f1la\u015fmadan tek tarafl\u0131 ve resmiy olaraq \u00e7\u0131qmas\u0131) teklif kirsetti. Ba\u015f nazir Mihail Mi\u015fustin taraf\u0131ndan imzalan\u011fan qarar avgustn\u0131\u00f1 25-nde rusiye federatsiyas\u0131n\u0131\u00f1 resmiy uquq vesiqalar\u0131 portal\u0131nda yay\u0131nland\u0131.<\/p>\n\n\n\n
\u0130\u015f\u011fal etilgen Q\u0131r\u0131mda rusiye ukrain siyasiy mab\u00fcslerini muntazam s\u00fcrette taqip ete ve i\u015fkencege o\u011frata. Al-az\u0131rda i\u015f\u011falciler qanuns\u0131z \u015fekilde 222 insann\u0131 apislerde tutmaqta, olarn\u0131\u00f1 aras\u0131nda 133 mab\u00fcs q\u0131r\u0131mtatar\u0131. Rusiye, b\u00f6yle areketlernen asl\u0131nda \u00e7al\u0131\u015fma\u011fan insan aqlar\u0131n\u0131 qor\u00e7alav mehanizmlerinden qurtula.<\/p>\n\n\n\n
Rus cell\u00e2tlar\u0131n\u0131\u00f1 birinci qurban\u0131 daa 2014 senesi q\u0131r\u0131mtatar faali Re\u015fat Ametov old\u0131. Q\u0131r\u0131mn\u0131\u00f1 i\u015f\u011fal etilmesine qar\u015f\u0131 piketten so\u00f1 on\u0131 s\u00f6zde “Q\u0131r\u0131m mudafaas\u0131” azalar\u0131 tut\u0131p ald\u0131. Rus arbiyleri \u00f6g\u00fcnde on\u0131 ma\u015fina\u011fa s\u00fcyreklep, belli olma\u011fan yerge al\u0131p kettiler. On\u0131\u00f1 aqq\u0131nda bir daa haber al\u0131namad\u0131 \u2014 on\u0131\u00f1 ceseti Q\u0131r\u0131mn\u0131\u00f1 Qarasuvbazar rayon\u0131nda martn\u0131\u00f1 15-nde tap\u0131ld\u0131. Aqayn\u0131\u00f1 cesetinde vah\u015fiyce i\u015fkence izleri tap\u0131ld\u0131.<\/p>\n\n\n\n
\u0130\u015f\u011falciler siyasiy mabuslerni apishanelerde sistematik s\u00fcrette i\u015fkencelerge o\u011fratalar, olar\u011fa tibbiy yard\u0131m k\u00f6sterilmey, mevcut sa\u011fl\u0131q meseleleri k\u00f6zge al\u0131nmay, “izsiz i\u015fkence” usullar\u0131n\u0131 qullan\u0131la. Rusiye cinayetlerini\u00f1 misalleri say\u0131s\u0131z.<\/p>\n\n\n\n
2022 senesi aprelni\u00f1 29-nda K\u00f6kt\u00f6belde Rusiye FSBsini\u00f1 hadimleri taraf\u0131ndan h\u0131rs\u0131zlan\u011fan grajdan jurnalisti ve aq qor\u00e7alay\u0131c\u0131s\u0131 \u0130rina Danilovi\u00e7, insaniyetsiz ceza \u015fartlar\u0131 aqq\u0131nda bildire: on\u0131\u00f1 s\u00f6zlerine k\u00f6re, koloniya memuriyeti, gestapo hadimlerini\u00f1 areketlerine o\u015fa\u011fan usullarn\u0131 qullana. Faalni\u00f1 bildirgenine k\u00f6re, y\u00fczlernen qad\u0131n “izsiz i\u015fkencelerge” o\u011fraylar – odalarda gece-k\u00fcnd\u00fcz, daima elektrik \u0131\u015f\u0131qlar\u0131 yana, k\u00f6zlerini ba\u011flamaq bile yard\u0131m etmey. \u0130nsanlar yuqlap olamay, hronik ba\u015f ve k\u00f6z a\u011fr\u0131lar\u0131ndan \u00e7eki\u015fe. Bundan da \u011fayr\u0131, saba saat alt\u0131ndan ba\u015flap, bir qa\u00e7 y\u0131l devam\u0131nda baraklarda ses artt\u0131r\u0131c\u0131 donatmalar ekstremal y\u00fckseklikte \u00e7al\u0131\u015fa. B\u00f6yle bir g\u00fcr\u00fclt\u00fc b\u00fcy\u00fck azaplar\u011fa sebep ola ve ciddiy bir fizikiy a\u011fr\u0131\u011fa yol a\u00e7a. <\/p>\n\n\n\n
Apiske al\u0131nmadan evel arterial ve mitral y\u00fcrek yeti\u015fmezliginen \u00e7eki\u015fken q\u0131r\u0131mtatar faali ve “Q\u0131r\u0131m birdemligi” jurnalisti Amet Suleymanov\u011fa saba saat 6-dan aq\u015fam saat 22-ge qadar t\u00f6\u015fekte yatmaq yasaq etile. O, b\u00fct\u00fcn k\u00fcn tar skemle \u00fcst\u00fcnde turma\u011fa ya da oturma\u011fa mecbur. Suleymanov er k\u00fcn \u00f6z\u00fcni yaramay ve als\u0131z duya. S\u0130ZO hadimleri on\u0131\u00f1 Quran\u0131n\u0131 tart\u0131p ald\u0131lar, saba ve gece namaz q\u0131lma\u011fa ruhset bermeyler, k\u00fcndelik tertipni boz\u011fan\u0131 i\u00e7\u00fcn on\u0131 kartserge qapatmaqnen qorquzalar.<\/p>\n\n\n\n
Nevbetteki misal – Emir \u00dcsein-Kuku, i\u015f\u011falciler taraf\u0131ndan “Q\u0131r\u0131m musulmanlar\u0131 gruppas\u0131” davas\u0131 boyunca sahte qabaatlavlar sebebinden mahk\u00fcm etilgen faal. 2023 senesi iy\u00fcl ay\u0131n\u0131\u00f1 so\u00f1unda o\u00f1a ba\u011f\u0131rsaq ameliyat\u0131 yap\u0131ld\u0131: Rusiye ekimleri al\u00e2 daa angi q\u0131sm\u0131nda t\u0131bbiy m\u00fcdahale yap\u0131l\u011fan\u0131n\u0131 aytma\u011fa istemeyler; ileride kerek ol\u011fan reabilitatsiyada siyasiy mab\u00fcsni red ettiler. \u00dcsein-Kuku, ameliyattan so\u00f1 o\u00f1a k\u00fcrpe a\u015famaq yasaq ol\u011fan\u0131 i\u00e7\u00fcn, apishaneni\u00f1 a\u015fhanesinde a\u015famayca\u011f\u0131n\u0131 bildirdi. Emirni\u00f1 kerekli a\u015f temin etilmemesini\u00f1 neticesi olaraq, on\u0131 muntazam s\u00fcrette a\u00e7l\u0131qqa o\u011fratalar.<\/p>\n\n\n\n
Qanuns\u0131z \u015fekilde “terrorizm”de qabaatlan\u011fan 63 ya\u015f\u0131ndaki q\u0131r\u0131mtatar\u0131 Servet Gaziyev ba\u011f\u0131rsaq ve bel a\u011fr\u0131lar\u0131na \u015fik\u00e2yet ete. Rostov-na-donun\u0131\u00f1 5-nc\u0131 S\u0130ZOs\u0131nda siyasiy mab\u00fcsten q\u0131l\u0131nalar: izol\u00e2tor hadimleri sistemal\u0131 tarzda aqayn\u0131 k\u00f6teklegenler, bun\u0131\u00f1 neticesinde on\u0131\u00f1 areket et\u00fcv ile problemleri keskinle\u015fti. <\/p>\n\n\n\n
Rusiyeni\u00f1 tula vil\u00e2yetindeki 1-nci sanl\u0131 t\u00fczeti\u015f koloniyas\u0131n\u0131\u00f1 hadimleri ukrain siyasiy mabus\u0131 Server Zekiryayevni kanalizatsiya sistemas\u0131ndan toqtamay\u0131p zeerli dumanlar nefes alma\u011fa mecbur eteler. Bo\u011fuluv isi ve boynunda ahlat t\u00fcy\u00fcmlerini\u00f1 keskin yan\u011f\u0131s\u0131 sebebinden o, si\u00f1ir ve fizik ipranuv al\u0131na kelgen, d\u00f6rt k\u00fcngece ard\u0131-s\u0131ra yuqlap olamay. Ayn\u0131 koloniyada Noman \u00c7elebicihan ad\u0131na q\u0131r\u0131mtatar g\u00f6\u00f1\u00fclli batalyon\u0131nda i\u015ftirak etkeni iddas\u0131nen Q\u0131r\u0131mdaki i\u015f\u011falci mahkeme taraf\u0131ndan 6 y\u0131l apis cezas\u0131na mahk\u00fcm etilgen q\u0131r\u0131ml\u0131 siyasiy mabus Rustem Osmanov da tutmaqta. Koloniya\u011fa kelgeninden berli idare hadimleri ve olarn\u0131\u00f1 nezareti alt\u0131ndaki mab\u00fcsler on\u0131 Ukraina vatanda\u015fl\u0131\u011f\u0131 sebebinden mabusni toqtamay\u0131p qorquzalar, i\u015fkencelerge ve a\u015falav\u011fa o\u011fratalar.<\/p>\n\n\n\n
Rusiye apshanelerinde insaniyetsiz tutuluv \u015fartlar\u0131 ve tibbiy yard\u0131mn\u0131\u00f1 olmamas\u0131 devaml\u0131 olaraq siyasiy mabuslerni\u00f1 \u00f6l\u00fcmine yo\u015f a\u00e7maqtad\u0131r. B\u00f6yleliknen, so\u00f1ki y\u0131llarda Cemil Gafarov, Konst\u00e2ntin \u015eiring, Rustem Virati ve digerleri esirlikte vefat ettiler.<\/p>\n\n\n\n
\u0130\u015f\u011falci devlet sistemal\u0131 \u015fekilde ker\u00e7ek y\u00fcz\u00fcni k\u00f6stere: Avropa S\u00f6zle\u015fmesini\u00f1 l\u00e2\u011fu etilmesi, rus apishanelerinde bulun\u011fan mab\u00fcslerge t\u0131bbiy yard\u0131m k\u00f6stermeme, \u201ckerekli\u201d mal\u00fcmatn\u0131 almaq i\u00e7\u00fcn i\u015fkence et\u00fcv, siyasiy mab\u00fcslerni qorquzuv ve olar\u011fa psihologik zorbal\u0131q k\u00f6ster\u00fcv, faallerni qa\u00e7\u0131ruv ve \u00f6ld\u00fcr\u00fcv kibi cinayetler i\u00e7\u00fcn mes\u00fcliyetni b\u00fct\u00fcnley \u00f6z\u00fcnden \u00e7\u0131qaruvd\u0131r. <\/p>\n\n\n\n
Temsilcilik \u011farbiy memleketlerni rusiyege qar\u015f\u0131 basq\u0131n\u0131 artt\u0131rma\u011fa \u00e7a\u011f\u0131ra ve b\u00fct\u00fcn ukrain siyasiy mab\u00fcslerini\u00f1 tez vaq\u0131tta azat etilmesini talap ete.<\/p>\n","protected":false},"featured_media":76094,"template":"","publication-type":[44],"class_list":["post-76174","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n