34 y\u0131l evelsi Ukraina tarih\u0131n\u0131\u00f1 e\u00f1 m\u00fcim vaqialar\u0131ndan biri ol\u0131p ke\u00e7ti \u2013 1991 senesi avgustn\u0131\u00f1 24-nde Ukraina mustaqilligini il\u00e2n etti. Ukrainan\u0131\u00f1 yolunda pek \u00e7oq a\u011f\u0131r s\u0131navlardan, manialardan ke\u00e7ti, bu Qararname ukrainlerni\u00f1 \u00f6z devletinde ya\u015famaq ve on\u0131 \u00f6z inan\u00e7lar\u0131na k\u00f6re \u015fekillendir\u00fcv aqq\u0131 i\u00e7\u00fcn uzun k\u00fcre\u015fini\u00f1 neticesi edi.<\/p>\n\n\n\n
1991 senesi dekabrni\u00f1 1-nde ke\u00e7ken b\u00fct\u00fcn umumhalq referendum\u0131nda ukrainlerni\u00f1 90%-den ziyadesi Ukraina mustaqilligi i\u00e7\u00fcn rey berdi. Q\u0131r\u0131mda bu k\u00f6stergi\u00e7 saylav\u011fa kelgenlerni\u00f1 54%-ni, Aqyarda ise 57%-ni te\u015fkil etti. Parlamentni\u00f1 qarar\u0131 halqn\u0131\u00f1 do\u011frudan-do\u011fru iradesine esasland\u0131.<\/p>\n\n\n\n
Q\u0131r\u0131mda endi 11 y\u0131l devam\u0131nda Ukraina vatanda\u015flar\u0131 Mustaqillik k\u00fcn\u00fcni rus i\u015f\u011fali \u015faraitinde qayd eteler. Daimiy \u015fekilde basq\u0131, taqip, tevqif et\u00fcv, tint\u00fcvler, i\u015fkenceler \u2013 bu Q\u0131r\u0131mda ya\u015fa\u011fan ukrain vatanda\u015flar\u0131n\u0131\u00f1 \u00e7oqus\u0131 i\u00e7\u00fcn ya\u015fay\u0131\u015f aqiqatlar\u0131d\u0131r. \u0130\u015f\u011falciler iradeni bast\u0131rma\u011fa ve faal vatanda\u015fl\u0131q pozitsiyas\u0131na saip ol\u011fanlarn\u0131 taqip et\u00fcv, apiske atuv, repressiya ve i\u015fkenceler yolunen qorquzma\u011fa t\u0131r\u0131\u015falar. Er \u015feyge baqmadan, Ukraina vatanda\u015flar\u0131 devletine sad\u0131q qalalar ve cesaretnen qar\u015f\u0131l\u0131q k\u00f6stereler. Y\u00fczlernen insanlar, \u015fu c\u00fcmleden q\u0131r\u0131mtatar halq\u0131n\u0131\u00f1 vekilleri \u00f6z aq-uquqlar\u0131n\u0131, medeniyetini, milliy menligini qor\u00e7alama\u011fa devam eteler. Avgust 18 k\u00fcn\u00fc berilgen mal\u00fcmatqa k\u00f6re, 221 insan rus esirliginde buluna, olardan 133 ki\u015fi \u2013 q\u0131r\u0131mtatarlar\u0131.<\/p>\n\n\n\n
Ukrainan\u0131\u00f1 mustaqillik k\u00fcn\u00fc \u2013 umumiy maqsatlar\u011fa iri\u015f\u00fcvde ukrain cemiyetini\u00f1 birle\u015fmesi kerekligini hat\u0131rlatuvd\u0131r. Vaqt\u0131nca b\u00f6l\u00fcn\u00fcvlerge baqmadan, birlik, milliy degerliklerge sad\u0131ql\u0131q ve serbest memlekette ya\u015fama istegi bizni birle\u015ftire. <\/p>\n\n\n\n
Bu y\u0131lki Mustaqillik k\u00fcn\u00fc topraqlar\u0131m\u0131zn\u0131 qor\u00e7ala\u011fan ve ukrain menligini qor\u00e7ala\u011fan on bi\u00f1lernen askerlerni\u00f1 sayesinde qayd etile. Bug\u00fcn Mustaqillik meydan\u0131nda y\u00fczlernen mav\u0131-sar\u0131 bayraqlar dal\u011falana. Olar er k\u00fcn mustaqil memlekette ya\u015famaq aqq\u0131 ne qadar y\u00fcksek fiyatqa qazan\u0131l\u011fan\u0131n\u0131 hat\u0131rlatalar. Ukrainler i\u00e7\u00fcn “Mustaqillik” s\u00f6z\u00fc \u00e7oqtan tantanal\u0131qtan \u00e7\u0131q\u0131p, \u011fay\u0131plar s\u00f6z\u00fcni\u00f1, \u015fu c\u00fcmleden ev, \u00f6m\u00fcr, kelecek arzular, kelecekte amanl\u0131q ya da i\u015fan\u00e7 duy\u011fus\u0131n\u0131 \u011fay\u0131p et\u00fcvni\u00f1 sinonimi old\u0131. Amma ac\u0131lar ve k\u00fcre\u015f vastas\u0131nen – millet quvetlene, nesil \u00f6se, devlet\u00e7iligimiz qurula.<\/p>\n\n\n\n
Ayn\u0131 zamanda, soqaq ve meydanlarda ya\u00f1\u011f\u0131ra\u011fan tilimizde, kitap t\u00fck\u00e2nlar\u0131 raflar\u0131nda bizim m\u00fcelliflerimizni\u00f1 kitaplar\u0131nda, ces\u00fcr jurnalistikada, ilim ve medeniyetni\u00f1 inki\u015faf\u0131nda bu Mustaqillik ya\u015fay. O, er k\u00fcn saba doquzda a\u011fr\u0131, \u00fcrmet, hat\u0131rlavlarnen tolu bir suk\u00fcnet daqqas\u0131nda aks oluna. <\/p>\n\n\n\n
Mustaqillik K\u00fcn\u00fc hay\u0131rl\u0131 olsun!<\/p>\n","protected":false},"featured_media":76007,"template":"","publication-type":[44],"class_list":["post-76181","press-center","type-press-center","status-publish","has-post-thumbnail","hentry","publication-type-haberler"],"acf":[],"yoast_head":"\n