2018 senesi çiçek ayı (aprel) 3 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar ve uquqiy talil hızmetleriniñ hadimleri Harkiv şeerindeki Ukraina uquqiy ilimler akademiyasınıñ temelinde keçirilgen ‘‘Qaçaqlarnıñ ve memleket içinde mecburen köçken şahıslarnıñ aq-uquqları: Avropanıñ tecribesi ve onı amelge keçirüv yolları’’ mevzusında halqara konferentsiyada iştirak ettiler.
Tedbirde Ukraina uquqiy ilimler akademiyasınıñ Prezidenti, Slovakiyada «SME SPOLU» ukrainalılar cemaat teşkilâtınıñ başlığı (Bratislava, Slovakiya Cumhuriyeti), Ukrainda IFES teşkilâtınıñ müdir muavini, BMT Qaçaqlar işleri Yuqarı Komissarı idaresiniñ vekili, Harkiv şeer başlığınıñ muavini, Dnipropetrovsk vilâyeti devlet memuriyetiniñ temsilcileri, alimler, ocalar ve cemaat teşkilâtlarınıñ vekilleri iştirak etti.
Konferentsiya devamında memleket içinde mecburen köçken şahıslarnı makemede qorçalav meselesi, olarnıñ saylav ve tasil aqlarına riayet etüv, mülkiyet aqları ve mecburiyetleri, yuqarıda qayd etilgen saalarda aktual meseleler, memleket içinde mecburen köçken şahıslarnıñ yerli cemiyetke integratsiya meselesi baqıldı. Tedbirniñ iştirakçileri çetel tecribesini, halqara standartlarnı ve İnsan aq-uquqları boyunca Avropa makemesiniñ memleket içinde mecburen köçken şahıslarnıñ meseleleri boyunca tecribesini talil ettiler.
Daimiy Temsilci vaqtınca işğal etilgen topraqlardan kelgen şahıslarnıñ uquqiy statuslarınıñ belgilevi, olarnıñ memleket içinde mecburen köçken şahıslardan farqlı olğan aq-uquqlarına ve ihtiyaçlarına riayet etüv mehanizmniñ mükemmeleştirilüvi kibi meselelerni köterdi. Daimiy Temsilci memleket içinde mecburen köçken şahıslarnıñ mesken aqlarına riayet etüvinen bağlı verifikatsiya meselesini, Qırım sakinleriniñ pasportlaşma ve vatandaşlıq vaziyetini resmiyleştirüv saalarında çezilmegen meselelerni, KÇNN-nı abadanlaştıruvınen ve KÇNN-dan ve KÇNN-ğa qanuniy taşımalarnıñ teşkil etilüvinen bağlı menfiy vaziyetni qayd etti, Herson vilâyetiniñ cemiyetlerinde Memuriy hızmet merkezleri ağınıñ teşkil etilüviniñ istiqbalini tarif etti.
Vaqtınca işğal etilgen Qırımdan kelgen şahıslarnıñ ihtiyaçlarını qanaatlendirmek içün halqara teşkilâtlar ve donor regionlar tarafından berilecek maaliy ve tehnikiy yardımnıñ hususiyetleri belgilendi. Vilâyet devlet memuriyetinde memleket içinde mecburen köçken şahıslarnıñ meseleleri boyunca bölüklerniñ Temsilcilik tarafından yönetilmesi muzakere etildi.
Konferentsiyanıñ neticesi olaraq, Ukrainada mecburen köçken şahıslarnıñ ve vaqtınca işğal etilgen topraqlarda yaşağanlarnıñ aq-uquqlarınıñ qorçalavı boyunca ameliy tevsiyeler azırlandı.