“Açıq malümatqa irişim aqqında” Ukraina Qanunı mücibi
Temsilge ait olğan malümat soratmasını yapmaq içün istegenler şu yerlerge sorata bileler:
- poçta adresine: M. Gruşevskogo soq., 24/2, Kiyev ş, 01021,
- elektron adreslerge: [email protected], [email protected]
- telefon nomerası: +38(067) 547 65 75.
Malümat soratması şulardan ibaret olmaq kerektir:
- soratma yapqannıñ adı, poçta adresi ya da elektron adresini ve telefon nomerası, eger olsa,
- eger soratma yapqan kişige belli olsa, soratılacaq dokumentniñ umumiy tarifi ya da şekli, adı, rekvizitleri ya da mündericesi berilmelidir;
- imza ve tarih (eger soratma yazı şeklinde olsa).
Soratmanı yapqanda siziñ içün oñaytlı olğan malümat aluv şeklini belgileñiz.
Yazı şeklinde soratma yapmaq içün Temsilniñ resmiy saytında yerleştirilgen formanı qullanmaq mümkün. Malümat buyurıcısı olğan Temsil soratmanı alğan soñ, eñ keç 5 iş künü sırasında cevapnı bermelidir.
“Açıq malümatqa irişim aqqında” Ukraina Qanunı mücibi, eger soratma mevzusı bir kişiniñ ayatını ya da serbesligini qorçalav, olıp keçken ya da olma ihtimali olğan ve vatandaşlarğa qarşı telükesi olğan çevre vaziyetini qoruma, aş ve mal keyfiyeti, qaza, felâket, havflı tabiat adiseleri ve fevqulade vaziyet meselesi olsa, cevap eñ keç 48 saatta berilmelidir.
Diqqat etilmeli ki, soratmanı acele şekilde baqma istegi sebepli olmalıdır.
Eger soratma büyük kölemli malümat aluv aqqında olsa ya da büyük kölemde olğan malümat arasında araştırmanı kerektirse, malümat buyurıcısı soratma baquv müddetini 20 künge uzata bile. Baquv müddetiniñ uzatılmasını, malümat buyurıcısı, soratmanı alğan soñ eñ keç 5 iş künü içinde, yazı şeklinde soratıcığa bildire..
“Açıq malümatqa irişim aqqında” Qanun mücibi, malümat buyurıcılarınıñ qararları, areketleri ya da areketsizlikleri buyurıcı başlığına, daa yüksek organğa ya da makemege şikâyet etile bile.
Malümat buyurıcılarınıñ qararlarını, areketlerini ya da areketsizligini şikayet etüv.
