2018 senesi çiçek ayı (aprel) 22 künü Ukraina Prezidentiniñ Qırım MC Temsilciligindeki uquqiy talil hızmetiniñ baş mesleatçısı Oleg Butrey Qırım Muhtar Cumhuriyetiniñ Aqmescit (Simferopol) şeerinden ‘‘Tavriya’’ futbol taqımınıñ 60 yıllığını qayd etüvde iştirak etti.

Qırımnıñ vaqtınca işğali sebebinden aqmescitli ‘‘Tavriya’’ yerini deñiştirip, Herson vilâyetiniñ Berislav şeerinde yerleşti.

Tantanalı tedbirler devamında numayış etilgen Avropalı futbol birlikleriniñ Çempionlar ligası kupları Qırımnıñ futbol klubları yalıñız Ukraina futbol federatsiyasınıñ terkibinde muvafaqiyetli faaliyet yürsetkenini tasdıqlay.

Ukraina Prezidentiniñ Qırım Muhtar Cumhuriyetindeki Temsilciligi ‘‘Tavriya’’ futbol klubına ve onıñ reberiyetine qıta Ukrainada Qırım Muhtar Cumhuriyetiniñ sportiv ruhunı saqlağanları içün teşekkür ete, bayram arqadaşlıq oyunında muvafaqiyetli ğalebe ile hayırlay ve daa yüksek maqsatlarğa irişüvde muvafaqiyetler tiley!