Türkiyege iş ziyareti çerçivesinde Ukraina Prezidenti Petro Poroşenko Türkiye Cümhuriyeti Prezidenti Recep Tayıp Erdogan ile körüşti. Eki devletniñ Başlıqları eki taraflama işbirlikniñ ve halqara kün mevzusınıñ aktual meselelerini muzakere ettiler.

Petro Poroşenko Recep Erdoganğa Ukrainanıñ territorial bütünligine ve qırımtatar halqınıñ aq-uquqlarına qol tutmağa devam etkeni içün öz minnetdarlığını bildirdi. Bundan ğayrı, Ukraina Prezidenti Türkiye Cumhuriyetiniñ Prezidentini ukrain reinelerniñ azat etilüvine yardım etmege çağırdı. Taraflar eñ yüksek seviyede faal siyasiy dialognı devam ettirmekte añlaştı. Bu cümleden, laf yüksek seviyede Ukraina-Türkiye Strategik şurası çerçivesinde nevbetteki körüşüvniñ teşkil etilüvi ve Ukraina-Türkiye-Azerbaycan şekilinde üç taraflama samitniñ keçirilüvi aqqında yürsetildi.