2018 senesi berim ayı (sentâbr) 10 künü ‘‘HELP AŞ leyhasınıñ memleket içinde köçken şahıslar meselesi boyunca kursınıñ ukrain qısımını sınav’’ Avropa Şurasınıñ leyhası çerçivesinde ekspert keñeşi olıp keçti. Tedbirde yuqarıda qayd etilgen Avopa Şurası leyhasınıñ yolbaşçısı Ganna Hrıstova, Dnipropetrovsk içki işer devlet universitetiniñ professorı İrına Grıtsay, T. Şevçenko adına Kıyiv universitetiniñ ocası Alla Fedorova, Kıyiv şeeri Desnânskiy rayonınıñ mahkemecisi Valeriya Babko, abulqat Yuliya Lisova ve diger ekspertler ile alimler iştirak etti.

Tedbir çerçivesinde Temsilcilikteki uquqiy talil hızmetiniñ baş mesleatçısı Ruslan Seydametov Temsilcilikniñ memleket içinde köçken şahıslarnıñ aq-uquqlarını qorçalav saasındaki ameliy ölçevi, mütenasip közetüvniñ neticeleri ve muayen yönelişler boyunca qanun yaratıcılıq faaliyeti aqqında malümat berdi.