2018 senesi ekim (oktâbr) ayı 9 künü Temsilcilikteki halqara alâqalar hızmetiniñ baş mesleatçısı Valeriya Pahomova Ukrainanıñ vaqtınca işğal etilgen Qırım toprağında Kıyiv Patrikhanesi Ukrain ortodoks kilisesiniñ (KP UOK) ve onıñ cemaatınıñ aq-uquqlarını bozuv boyunca ‘‘Diniy işğal: Qırımda Kıyiv Patrikhanesi Ukrain ortodoks kilisesine basqı’’ mevzusında tedqiqatnıñ taqdim etilüvinde iştirak etti.

Tedbirde Kıyiv Patrikhanesi Ukraina Ortodoks Kilisesiniñ Simferopol ve Qırım boyunca Başyepiskopı Kliment, abulkatlar, alimler, cemaat teşkilâtlarınıñ vekilleri ve jurnalistler iştirak etti.

Taqdim etüvniñ iştirakçileri Qırım işğali ve işğalciniñ areketleri yarımadada diñ serbestligine qarışğanını ve Kıyiv Patrikhanesi Ukrain ortodoks kilisesine (KP UOK) ayrıca basqı yapılğanını qayd ettiler.

KP UOK Yepiskopları toplaşuvı işğalniñ birinci künlerinde işğalciniñ areketlerini takbih etken beyanatınen çıqışta bulundı. Bundan ğayrı, KP UOK Qırım bölügi işğalciniñ talaplarına binayen yañıdan qayğa aluvdan keçmedi, onıñ içün qanunsız vaziyette bulunmaqtadır. Kiliselerni zapt etilüvi ve yarımadada rusiye qanuniyeti üküm sürgeni neticesinde işğalniñ birinci yılı devamında Kıyiv Patrikhanesiniñ 46 cemiyetinden 38 faaliyetini toqtattı.

Tedbir esnasında Qırımda ortodoks dini bulunğan şaraitler ve işğalci tarafından UOK Qırım bölügine nasıl vastalarnen basqı yapılğanı aqqında eksklüziv vesiqalar taqdim etildi ve RF-nıñ areketlerine vicdan serbestligi saasındaki halqara uqunıñ şartlarına binayen qıymet kesildi.

Qırımda işğalciler öz cezalav organlarında ve ‘‘mahkemede’’ tercime yapılmasını talap etmeden KP UOK-niñ ukrain resmiy vesilqalarını qabul etmege mecbur olğanları ayırıca qayd etildi.