Ukraina Prezidenti Petro Poroşenko qırımtatar halqınıñ lideri, kerçek vatanperver, milletiniñ serbestligi ve namusı, adalet içün yeñilmez küreşçi Mustafa Cemilevni 75-yıllığı ile hayırladı.

‘‘Sovet ükümetine qarşı çıqqanı içün yaqalanıp apis etilgenine baqmadan, ruhtan tüşmedi ve tabiatını daa ziyade qaviyleştirdi. Al-azırda Mustafa Qırımnı azat etmek, bütün Kreml mabuslarını evlerine, ukrain Qırımına qaytarmaq içün küreşini devam ettire’’, – dep qayd etti öz hayırlav sözünde Petro Poroşenko.

Ukraina Prezidentiniñ Qırım MC Temsilciligi bu hayırlavlarğa qoşulıp, müteber Mustafa-ağağa qaviy sağlıq, uzun ömür, ve mürekep yolunda küç ile coşqunlıq tiley.

Yıldönümiñiz hayırlı olsun, Mustafa-ağa!