Felefon subetinde Petro Poroşenko Angela Merkelge Keriç boğazında Rusiyeniñ Ukrainağa qarşı tecavüziy areketleri ve Ukrainanıñ olarğa cevabı ve bu cümleden arbiy vaziyetni ilân etmege azır olğanı aqqında bildirdi.

Almaniyanıñ Federal Kantsleri silâlı rusiye tecavüziniñ kerginleşüvi ile raatsızlanğanı ve vaziyetni tüzetüv içün qolundan kelgenini yapacağı aqqında bildirdi.

Ukraina devletiniñ başlığı Rusiyeniñ tecavüziy areketleri dayanılmaz olğanını qayd etti ve ukrain gemicilernen gemilerniñ deral azat etilüvi maqsadınen halqara cemiyetni Rusiyege basqısını quvetleştirmege çağırdı.

Brüsselde ilk qış (dekabr) ayında keçirilecek Avropa Şurasına azırlıq çerçivesinde taraflar öz areketlerini uyğunlaştırdılar.

Vaziyetni çezmek maqsadınen ukrain-alman muzakerelerini devam ettirmege de añlaştılar.