2018 senesi ilk qış (dekabr) ayı 22 künü Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanov yolbaşçılığında Qırım MC uquq qorçalav organlarınıñ, Ukraina Devlet Maliye Hızmetiniñ Herson vilâyeti, Qırım MC ve Aqyar şeeri boyunca Baş idaresiniñ reberleri ve Qırım MC boyunca Savcılığınıñ temsilcisi ile vaqtınca işğal etilgen Qırım MC aktual içtimaiy-iqtisadiy ve başqa meselelerini çezüv boyunca Ukraina Prezidentine teklifler azırlamaq maqsadınen umumiy muşavere keçirildi.
Muşavereniñ neticesi olaraq, Ukrainanıñ vaqtınca işğal etilgen Qırım toprağındaki şimdiki vaziyetke mütenasip şekilde tesir etmek içün bir sıra tedbirlerni keçirüv ve kelecekte bu kibi muşaverelerni teşkil etüv ve olarnıñ mevzuları aqqında qarar alındı.