2019 senesi çiçek (aprel) ayı 25 künü Temsilcilikniñ Kıyivteki ofisiniñ hadimleri gençlik ve sport Nazirliginde ”Memleket içinde köçken şahıslardan olğan, ya da vaqtınca işğal etilgen topraqlarda yaşağan studentlerge qol tutuv boyunca gençler siyasetini yerine ketirüv” mevzusında keçirilgen tögerek masada iştirak ettiler.

Tögerek masada cemaat teşkilâtlarınıñ, aliy oquv yurtlarınıñ ve student müitiniñ vekilleri memleket içinde köçken şahıslar vaziyetinde bulunğan student gençlerniñ aktual meselelerini, bu cümleden, olarnıñ iqtisadiy, uquqiy ve maişiy problemalarnı muzakere etip, olarnı çezüv yollarını ve memleket içinde köçken şahıslarnıñ olarnı qabul etken cemiyetlerge integratsiyalarını muzakere ettiler.

Temsilcilikteki halqara alâqalar hızmetiniñ reisi Yevgen Samuha ”Qırım-Ukraina” tasil leyhasınıñ semereli çalışuvına qol tutuv, halqara teşkilâtlar ile tasil saasında işbirlik, Qırımdan memleket içinde köçken Ukraina vatandaşlarına memuriy hızmetlerni berüv oğrunda Temsilcilikniñ faaliyeti ile tanıştırıp, memleket içinde köçken gençler ağır alda bulunıp, devet qol tutuvına ve yardımğa muhhac olğanlarını, tasilge irişim ise olarnıñ yerli cemiyetke qoşulmaları içün kerekli zemin azırlağanını qayd etti.