Ukraina Prezidenti Volodımır Zelenskiy qanunsız alda Rusiye Federatsiyasında tutulğan, ya da Rusiyege qoltutqan aydutlarnıñ qollarında Donetsk ve Lugansk vilâyetleriniñ vaqtınca işğal etilgen topraqlarında ve Qırımda bulunğan ukrainalılarnıñ aqrabaları ve yaqınları ile körüşti.

”Epiñizni diñlemek, fikirlerimizni paylaşmaq ve vatandaşlarımıznıñ eñ yaqın vaqqıta qaytarılması içün neler yapa bilecegimizni añlamaq içün sizni davet ettik. Mında toplanğanıñız içün minnetdarlığımnı bildirem”, – dep muracaat etti qural ay (mayıs) 30 künü olıp keçken toplaşuvnıñ iştirakçilerineV0lodımır Zelenskiy.

Devletimizniñ Başlığı soñki bir qaç kün devamında ukrainalılarnı azat etüv meselesini tafsilâtlı şekilde añlamaq içün Ukraina Yuqarı Şurasınıñ insan aqları boyunca Vekâletlisi Lüdmila Denisova, Baş komandanlığınıñ müdiri Ruslan Homçak ve Üçtaraflama kontakt gruppasındaki sabıq Ukraina vekilleri ile körüşkeni aqqında haber etti.

Prezident akimiyet, esirlerniñ aqrabaları ve esirlerniñ azat etilüvinen oğraşqan cemaat erbapları arasındaki işbirlik pek muim olğanını qayd etti.

”Esirlerimizniñ evlerine qaytmaları içün bütün aq qorçalayıcılar, cemaat vekilleri ve göñülliler öz ğayretlerini birleştirmek kerekler, – dep qayd etti Volodımır Zelenskiy.

Bundan da ğayrı, körüşüv iştirakçileri cenk esirleri aqqında qanunnıñ qabul etilmesi pek muim olğanını qayd ettiler.

https://www.president.gov.ua/news/volodimir-zelenskij-zustrivsya-z-ridnimi-ta-blizkimi-polonen-55673