Almaniyağa resmiy ziyareti esnasında Ukraina prezidenti Volodımır Zelenskiy Almaniya Federal kantsleri ile Rusiye esirliginde bulunğan ukrain deñizcilerini ve başqa mabuslarını azat etüv yollarını muzakere etti.

”Rusiye apishanelerinde bulunğan arbiy deñizcilerini ve başqa ukrain vatandaşlarını azat etüv meselesini muzakere ettik. Almaniyanıñ itibarı ve halqara tesiri bu meseleniñ eñ yaqın kelecekte çezilecegine ümüt bere”, – dep qayd etti Angela Merkel ile Berlindeki umumiy brifingde Ukraina prezidenti.

Devletniñ başlığı Ukraina ile Almaniya arasında BMT ve başqa halqara teşkilâtlar çerçivesinde umumiy areketlerni uyğunlaştıruv boyunca fikir paylaşuvı olıp keçkeni aqqında da haber etti.

Volodımır Zelenskiy Almaniya Ukrainanıñ Avropa ve Avropa-atlantık ıntıluvlarına qol tutacağına ümüt bildirdi.