Qırım MC ile memuriy sıñırda kiriş-çıqış nezaret etüv noqtaları (KÇNN) açılğan soñ, Ukraina akimiyetiniñ nezareti altında bulunğan topraqlarğa keçken şahıs 14 kün devamında ”Evde areket et” cep ilâvesi vastasınen özüni etraf müitten ayırmalı. Aks alda memuriy sıñırdan keçiş yasaq etile bile.

⏱  Seyahatıñız eñ az 14 kün devam etecek, ve siz şu 14 kün devamında belgilengen yerde özüñizni etraf müitten ayırmalısıñız. Yazıqlar olsun ki, acele bir sebep olmasa, qısqa seyahatlardan al-azırda vazgeçmelisiñiz.

👪  ”Evde areket et” cep ilâvesiniñ mevcutlığı yaşı 14-ten ziyade olğan şahıslarda mıtlaqa teşkerile, qalğanlarda onıñ olması şart degil. Amma bir qaç kişi, meselâ ömür arqadaşları beraber ketkende, ”Evde areket et” ilâvesini ekisi de ayrı-ayrı yüklemeli.

İlâveni KÇNN-nı keçken arada pasport nezareti noqtasındaki haber plakatından QR-kodnı skan etip yüklemege mümkün, amma biz sizge evelden azırlıq körip, ilâveni seyahattan aldın telefonğa yüklep, KÇNN-nı keçkende ise çalıştırmağa tevsiye etemiz.

📡  Bunı yapıp yetiştirmegen olsañız, eyecanlanmañız, KÇNN-da “UkraineLovesYou” bedava Wi-Fi ağı çalışmaqtadır.

”Evde areket et” ilâvesini bu yerden yüklemege mümkün:

Android: https://cutt.ly/ark-diia-quarantine

IPhone: https://cutt.ly/ark-diia-quarantine-iphone

”Evde areket et” ilâvesini amelge keçirmek içün nevbetteki 14 kün devamında çalışacaq ukrain cep telefonı nomerasını yazmalısıñız. Şu telefon nomerasına kelgen mesajnı ilâvede qayd etmek kereksiñiz.

Yanıñızda tek çetel telefon nomerası bar ise, biraz qıyınca olacaq, böyle alda siz:

• pasportıñıznı köstermelisiñiz;
• telefonda al-azırda çetel nomerañıznıñ sim-kartı olğanını köstermelisiñiz);
• ”Evde areket et” ilâvesiniñ telefon nomerası yazılacaq kiriş saifesini açıp, ekranda kösteriñiz;
• nevbetteki 14 kün devamına çalışacaq ve ”Evde areket et” ilâvesi içün işletilecek telefon nomerañıznı ve bulunacaq adresiñizni Devlet sıñır hızmetiniñ haber sistemasında qayd etilmeleri içün yazdırıñız.

İlâveni yüklegen soñ, oña puş-mesajlarını yollamağa ruhset beriñiz ve bulunacaq adresiñizni yazıñız.

DİQQAT! Şimdi bulunğan yeriñizni degil de, bulunacaq yeriñizni qayd etmelisiñiz.
Bundan soñ ilâvede ”Siz izolâtsiya ya da observatsiya yerinde bulunasıñızmı?” değen pancere payda olır. Bu pencereni Devlet sıñır hızmetiniñ temsilcisine köstermelisiñiz. Özüñizni etraf müitten ayıracaq yerge kelgeniñizni tek bulunacaq yeriñizge kerçeken kelgen soñ qayd etmelisiñiz ve etalon resimiñizni yollamalısıñız, çünki bu vaqıtta kerçekten bulunğan yeriñiz de qayd etile. Ve o, ilâvede yazılğan adres ile aynı olmalı.

Etalon resimiñizni yapqan soñ, karantinniñ sonuna qadar qalqan künlerni esaplağan ilâveniñ esas ekranı açılır. Esap 14-nci kününden başlana. Özüñizni etraf müitten ayıruvnıñ soñki künü sayıcı ”0 kün izolâtsiya ya da observatsiya qaldı” yazısını kösterecek. Özüñizni etraf müitten ayıruv müddeti bitken soñ, sayıcı yerine ”izolâtsiya ya da observatsiya müddeti bitti” degen yazı peyda olacaq.

📩 Ukraina Prezidentiniñ Qırımdaki Temsilciligine aşağıdaki alâqa vastalarınen muracaat ete bilgeniñizni hatırlatamız:

• bedava ”sıcaq ağ” 0 800 502 192 telefonı ve (0552)49-59-39 nomeralı telefon vastasınen;
• Skype ağı vastasınen – qullanıcı: ark predstavnictvo;
• [email protected] elektron menzili vastasınen;
• vatandaşlarnıñ muracaatları içün poçta adresimiz: Herson şeeri, Uşakov caddesi, 42.

#UkrainaSizniSeve  #PPUgovUA  #QırımUkrainadır

Maqale Ukraina Nazirler Şurası, Ukraina dijital deñişüv Nazirligi, ”Jurnalist taqiqatları merkezi” Haber Agentliginiñ haberleri esasında azırlandı