Latviya Cumhuriyetiniñ Ukrainadaki Fevqulâde ve Tolu vekâletli Elçisi Yuris Poykansnıñ Herson vilâyetine ziyareti çerçivesinde memleket içinde avuşıp, Herson vilâyetinde yaşağan şahıslar, tamır qırımtatar halqınıñ, devlet akimiyeti organlarınıñ ve Hersonda Qırım mevzusı ile oğraşqan cemaat teşkilâtlarınıñ vekilleri ile körüşüv olıp keçti.

Temsilcilik taqımı körüşüvni teşkil etmege yardım etken Herson vilâyeti devlet memuriyetine ve ”QırımSOS” cemaat teşkilâtına öz minnetdarlığını bildire.

Ukraina Prezidentiniñ Qırım MC-deki Temsilciligi Ukrainanıñ topraq bütünligine ve egemenligine izçen surette qol tutqan, Qırımnı işğalden azat etüv oğrunda halqara seviyede küreşken ve vaqtınca işğal şaraitlerinde yaşağan Ukraina vatandaşlarına diqqat ayırğan Ukraina ortaqlarına, şu cümleden Ukrainada Latviya Cumhuriyetiniñ Elçihanesine, Fevqulâde ve Tolu vekâletli Elçisi Yuris Poykansqa samimiy minnetdarlığını bildire.