🚀 Dijital deñişüvler strategiyası eñ yaqın olğan 3 yıl devamında çeşit türlü nazirlikler tarafından 94 leyhanıñ amelge keçirilmesini közde tuta. Strategiya ğayrıdan integratsiya etüvni maqsad etip qoyğan ve 7 alt leyhadan ibaret olğan 3 leyhanı azırladı.
Bular,
insan aqlarını ve serbestliklerini qorçalav,
vaqtınca işğal etilgen topraqlarnen qomşu olğan rayonlarnı ğayrıdan tiklev ve inkişaf etüv,
memleket içinde avuşqan şahıslarnı ve işğal etilgen topraqlarda yaşamağa devam etken vatandaşlarnı devlet hızmetlerine irişimlerini temin etüv kibi saalarında dijital deñişüvlerdir.
Ukraina Prezidentiniñ Qırım MC-deki Temsilciligi vaqtınca işğal etilgen topraqlarda yaşağan vatandaşlarımız içün onlayn hızmetlerniñ inkişaf etilmesiniñ teşebbüsçilerinden biri olaraq idareler arası işbirlikniñ neticelerini memnüniyetliknen alğışlay ve böyle leyhalarnıñ aktualligini ve kerekligini qayd ete. Bu maqsad ile biz ükümet tarafından dijital hızmetlerniñ inkişaf etilmesi içün mesüliyetli olaraq tayin etilgen Ukraina dijital deñişüvler Nazirligi ve vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazirligi ile sıqı bağ tutıp çalışmaqtamız. Bundan ğayrı, faaliyetimiz Qırımda ve Ukrainanıñ şarqında yaşağan vatandaşlarımız onlayn şekilde ala bilecek hızmetlerniñ cedvelini kenişletüv ile bağlıdır.
🇺🇦 Ukraina Prezidentiniñ Qırım MC-deki Temsilciligi eñ yaqın vaqıtta böyle hızmetler haritasını taqdim etecektir.