2020 senesi kiçik (fevral) aynıñ 26-da Ukraina Prezidenti tarafından imzalanğan 58/2020 sanlı Fermanğa binaen kiçik (fevral) aynıñ 26 Qırım Muhtar Cumhuriyetiniñ ve Aqyar şeeriniñ işğal etilüvine qarşılıq kösterüv Künü qayd etile.

2014 senesi kiçik aynıñ 26-da Aqmescit şeerinde Ukrainanıñ topraq bütünligine qol tutmaq maqsadınen keçirilgen mitingniñ yıldönümi munasebetinen ve ayrıca vaqtınca işğal etilgen Qırım MC ve Aqyar şeerinde yaşağan Ukraina vatandaşlarınıñ cesürligine ve qaramanlığına sayğı ve ürmetimizni köstermek maqsadınen qayd etile.

Tedbir esnasında iştirakçiler aşağıdaki mevzularnı muzakere etecek:

• vaqialarnı hatırlamaq ve işğalge qarşılıq köstermek ceetinden bu kün ne içün müim?;
• Qırımnı işğalden azat etüv, yarımadanı Ukrainanıñ uquqiy, iqtisadiy, medeniy ve tasil saalarına integratsiya etüv boyunca Ukraina strategiyası;
• halqara seviyede siyasiy-diplomatik tedbirler;
• soñki yıl devamında ğayrıdan integratsiya etüv boyunca devlet siyasetinde ve hususan tasilge ve devlet hızmetlerine irişim yönelişinde neler yapıldı.

Munaqaşa panelleriniñ mevzuları:

Kiçik aynıñ 26-sı – bu vaqialar ne içün yüz berdi, mesüliyetke kimler çekilmeli?

Spikerler:
Ukraina Prezidentiniñ Qırım MC-deki Daimiy Temsilcisiniñ Birinci muavini Darya Svırıdova;
Qırımtatar Milliy Meclisiniñ reisi Refat Çubarov;
Qırım Muhtar Cumhuriyeti ve Aqyar şeeri Prokuraturasınıñ reberi İgor Ponoçovnıy;
Ukraina adliye naziriniñ muavini İvan Lişçina;
Ukraina milliy hatıra institutınıñ başlığı Anton Drobovıç.

”Qırım platforması” işğalden azat etüv aleti olaraq

Spikerler:
Ukraina çetel işler naziriniñ muavini Emine Caparova;
Ukraina Prezidentiniñ Qırım MC-deki Daimiy Temsilcisi Anton Korınevıç;
Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina naziriniñ muavini İgor Yaremenko;
Ukraina halq deputatı, ”Qırım platforması” fırqalar arası deputatlar birliginiñ ortaq reisi Rustem Umerov;
Ukraina çetel işler Nazirligi yanındaki Cemaat şurasınıñ başlığı, ”Ukrainska prizma” tışqı siyaset Şurasınıñ başlığı Gennadiy Maksak.

”Vaqtınca işğal etilgen Qırım Muhtar Cumhuriyetinde ve Aqyar şeerinde yaşağan insanlarnı qaytaruv ve ğayrıdan integratsiya etüv”

Spikerler:
Ukraina Prezidentiniñ Qırım MC-deki Daimiy Temsilcisiniñ muavini Tamila Taşeva;
Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina naziriniñ muavini İnna Dragançuk;
”QırımSOS” cemaat birliginiñ ortaq teşkilâtçısı Olga Kurışko;
Ukraina dijital deñişüvler Nazirligindeki Avropağa integratsiya etüv Müdürliginiñ müdiri Gulsana Mamediyeva;
Ukraina medeniyet ve haber siyaseti naziriniñ muavini Taras Şevçenko.

Moderator: halqara jurnalist, ”Ğayıp olğan ada. İşğal etilgen Qırımdan reportajlar kitabı” eseriniñ müellifi Natalâ Gümenük.

Tedbir 2021 senesi kiçik aynıñ 26-da saat 11:15-te keçirilecek (yayınlav 3 saat devamında kösterilecek, qonuşmacılarnıñ çıqışları ve moderatornıñ suallerinen beraber er bir panel munaqaşası 1 saatqa yaqın devam etecek). Yabancı seyirciler sinhron tercimenen temin etilecekler.

Tedbir Ukraina Nazirler Şurasınıñ Klubında (Kıyiv şeeri, İnstitutska soqağı, 7-nci ev adresi boyunca) keçirilecek.

Onlayn yayınlav:

DOM televizion kanalı
ve başqa media ortaqları:
hromadske.ua
“Çornomorska” televizion ve radio kanalı
Ukrainska pravda
Radio NV

Kontakt şahıs: Yuliya Kurılük

е-mail: [email protected]

tel.: +38 (063) 700-50-83

Teşkilâtçılar: Ukraina Prezidenti Ofisi, Ukraina Prezidentiniñ Qırım MC-deki Temsilciligi, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazirligi, Ukraina medeniyet ve haber siyaseti Nazirligi, ”DOM” televizion şirketi.