Körüşüv devamında Ukraina Prezidentiniñ Qırım MC-deki Daimiy Temsilcisi Anton Korınevıç akimiyet organlarınıñ, cemaat teşkilâtlarınıñ ve teşebbüslerniñ, qırımtatar halqını temsil etken organ olaraq Qırımtatar Milliy Meclisiniñ vaqtınca işğal etilgen Qırım yarımadasını işğalden azat etüv ve ğayrıdan integratsiya etüv meselelerinde ğayretleriniñ birleşirilmesi pek müim olğanını qayd etti.
2014 senesi kiçik aynıñ 26-da Qırım MC Yuqarı Şurasınıñ binası yanındaki mitingde iştirak etken insanlarnıñ cesürligini ve birdemligini hatırlaymız, em Qırım topraqlarında, em mecburen icrette küreşmege devam etken er keske qol tutamız.
Herson vilâyeti devlet şurasına ve onıñ reisi Oleksandr Samoylenkoğa işbirlik içün minnetdarlığımıznı bildiremiz.