2021 senesi saban ayınıñ 16-da Ukraina Prezidentiniñ Qırım Muhtar Cumhuriyetindeki Temsilciligi ve Qırım Muhtar Cumhuriyeti ve Aqyar şeeri Prokuraturası aq qorçalayıcı, cemaat ve halqara teşkilâtlarınıñ vekilleri ile körüşüv keçirdiler.
Faaliyetlerinde ilk nevbette becerilecek vazifeler, bundan ğayrı, Qırım yarımadasını işğalden azat etüv ve ğayrıdan integratsiya etüv oğrunda işbirlik ve devlet ve cemaat sektorlarınıñ ğayretlerini birleştirüv kibi mevzular muzakere etildi. Körüşüvde muzakere etilgen mevzular arasında Qırım yarımadasınıñ vaqtınca işğal etilüvi devirinde Rusiye Federatsiyasınıñ işğalci akimiyeti tarafından ale daa muntazam şekilde işlenmege devam etken cinayetlerge qıymet kesüv ve qarşılıq kösterüv meseleleri bar edi.
🤝 Bu yönelişteki faaliyet yalıñız Qırım MC devlet akimiyeti organları, cemaat ve halqara teşkilâtlarnıñ sebatlı işbirligi esasında semereli neticeler bere bile, bu maqsadqa irişmemiz içün qolumızdan kelgenini yapmaq kerekmız. Qırımnıñ Ukraina olğanını hatırlap, çalışamız.