Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşeva ”Qıymetler, siyasiy aqlar, ceryanlarnıñ keyfiyeti ceetinden saylavlar islâatına qıymet kesüv” mevzusında ‘‘OPORA’’ cemaat ağı tarafından teşkil etilgen Forumda iştirak etti. 

Tamila Taşeva qayd etti ki, ”2015 senesinden berli Qırımdan memleket içinde avuşqan şahıslar yerli saylavlarda iştirak etüv meselesini kötereler. Qırım yarımadasını terk etmege mecbur olğan vatandaşlar işğalniñ devamlı olacağını, olarğa yerli cemiyetniñ ayatında iştirak etmege kerek olğanını añladı. Kütleviy qol tutuv kampaniyası neticesinde olar yerli saylavlarda saylav aqqına nail oldılar. Amma yerli demokratiya aletlerinde iştirak etüv meselesi tolusınen çezilmedi. Amma bir qaç cemaat teşkilâtı tarafından keçirilgen tedqiqatnıñ neticelerine binaen, adamlarnıñ 40% ziyadesi by aletlerni qullandı. Memleket içinde köçken şahıslar ise yerli sakinler olaraq sayılmağanına şikâyet ete ediler. Yani bu mesele eñ yaqın vaqıtta çezilmeli, em de vatandaşlarnıñ resmiy qayd etüv yerleri deñişmeycek. İnformatsion havfsızlıq ceetinden ise RF tarafından faal şekilde darqatılğan yalanlardan qurtulmaq kerekmiz. Misal olaraq, Ukraina memleket içinde avuşqan şahıslarnı qayğırmay, yarımadada qalğan insanlardan işi yoq eken. Keçenlerde Qırımnı işğalden azat etüv ve ğayrıdan integratsiya etüv Strategiyası qabul etildi, o, al-azırda derc etilmedi. Amma bu vesiqanıñ esas ğayesi, vaqtınca işğal etilgen topraqlarda yaşağan vatandaşlarımıznen bağlarımıznı ğayrıdan tiklemek ve olarğa çeşit türlü hızmetler bermektir. Biz yalıñız topraqlarımıznı degil, adamlarımıznı da qaytaramız. Ukraina tarafından idare etilgen topraqlarda yaşağan insanlarnen de bu yönelişte çalışmaq kerekmiz. Misal olaraq, vaqtınca işğal etilgen topraqlarda yaşağan balalarnı aliy oquv yurtlarına qabul etüvniñ teñqid etilmesi, ya da Rusiye tarafından onıñ koronavirus aşısı ile aşlanmağa teklif etilmesi. Lübomir Guzar aytqanı kibi, ”Muacirlerge yardım etseñiz, olar barışıqlıq havarileri olur”. Bu pek müim mesele, çünki muacirler vaqtınca işğal etilgen topraqlarda yaşağan tuvğanları ve dostlarınen qonuşalar. Yazıqlar olsun ki, ekseriy allarda yerli akimiyet memleket içinde avuşqan şahıslarnı yerli cemiyetlerniñ sakinleri olaraq tanımay. Amma yavaş-yavaş meseleni añlamağa başlaylar, siyasiy fırqalar Qırımdan avuşqan faallerni celp ete, olarnıñ bir qısımı al-azırda deputat olaraq saylandı”.

Tafsilâtlı malümat: https://m.facebook.com/story.php?story_fbid=10157844542720108&id=45461285107