2020 senesi saban ayınıñ 20-de Rusiye Federatsiyası Prezidenti tarafından imzalanğan Fermanğa binaen, ecnebiy devlet vatandaşları ve vatandaşlığı olmağan şahıslar mülkiyetlerinde olğan topraq damartılarını bir yıl içinde satmalı ya da başqa şekilde Rusiye Federatsiyası vatandaşınıñ adına resmiyleştirmeli, aks alda topraq damartısı mahkeme qararı ile yabancılaştırılacaqtır. RF vatandaşlığını almağan Ukraina vatandaşları Qırımda yabancılar olaraq sayılmaqta.

Munaqaşa esnasında aşağıdaki meseleler muzakere etilecek:

📌 Qırımda topraq yabancılaştıruvnıñ aqibeti;
📌 Qırımda işğalci akimiyet tarafından mülkiyet aqları bozulğan şahıslarnı qorçalavğa dair Ukraina devlet siyaseti;
📌 Rusiyede mahkeme qararları ile topraq damartılarını yabancılaştıruv;
📌 Qırımdaki mülkiyetni zapt etüvge dair ukrain uquq qorçalayıcıları tarafından taqiq etilgen davalar;
yarımadada topraq damartılarını yabancılaştıruvğa dair davalarnıñ insan aqları boyunca Avropa mahkemesinde baqılmaq imkâniyeti.

CrimeaIsUaBot Telegram-botunda topraq meselelerine dair yañı blok taqdim etilecek – anda cevaplarnı tez almaq ve vesiqalarnıñ nümünelerini toldurmaq mümkün. Bundan ğayrı, topraq meseleleri boyunca meraqlı malümatlar ve kontaktlar içergen İnternet saifesi taqdim etilecek.
https://t.me/CrimeaIsUaBot

Spikerler:
Darya Svırıdova, Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini;
Vitaliy Sekretar, Qırım Muhtar Cumhuriyeti ve Aqyar şeeri Prokuraturası reberiniñ birinci muavini;
Maksım Tımoçko, İnsan aqları boyunca Ukraina-Helsinki birligini temsil etken abulqat;
Mıkola Kikkas, abulqat İnsan aqları boyunca regional merkezniñ adliye saasında mütehassısı.

Tedbirniñ yöneticisi: Olga Kurışko, Qırım_SOS teşkilâtında adliy yönelişniñ yöneticisi.
https://fb.me/e/LaCvOCkV