Qırım fotoresimleri ve olarnen bağlı ikâyeleriñiznen başqa insanlarnen paylaşmağa isteseñiz, mıtlaqa foto yarışta iştirak etiñiz.
Yarışnıñ şartları:
🔹 Mevzu – Qırım hatırlavları;
🔹 Bir müellif 1-3 fotoresim yollay bile.
🔹 Er bir eser işbu fotoresimnen ya da fotoresimde kösterilgen yernen bağlı (500 qadar işaretten ibaret olğan) metin ile beraber yollanmalı;
🔹 Mektüpte müellifniñ adı, yaşağan yeri, (ğaliplernen bağlanmaq içün) içtimaiy ağlardaki saifesine bağlantı haber etilmeli;
🔹 Resimniñ keyfiyeti yüksek, ölçüsi eñ azından 500 kB ve uzun tarafından 1900 pixel olmalı;
🔹 Mektüpler [email protected] elektron menziline ve mevzusında «Фотоконкурс» sözü ile yollanmalı.
Qabul etüv müddeti:
🔸 Fotoresimler saban ayınıñ 25-den çiçek ayınıñ 25-nece qabul etilecek;
🔸 Çiçek ayınıñ 30-de neticeler ilân etilip, onlayn şekilde fotosergi taqdim etilecek.
Jüri azaları bir ğalip ile Qırım eviniñ www.crimeanhouse.org.saifesindeki onlayn foto sergide numayış etilecek 10 eñ güzel resimni saylacaq.