Tedbir Qırım eviniñ Facebooktaki saifesinde canlı olaraq yayınlanacaq.
2021 senesi saban ayınıñ 24-de Ukraina Prezidenti Fermanı ile Vaqtınca işğal etilgen Qırım Muntar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüvge dair devlet strategiyasını tasdıqladı.
Munaqaşa esnasında aşağıdaki meseleler muzakere etilecek:
✔️ Strategiyada medeniyet ile bağlı meselelerniñ yeri nedir?
✔️ Devletimiz al-azırda qırımtatar medeniyetine nasıl etip qol tuta?
✔️ Qırımdaki tarihiy abidelerge ve maddiy olmağan medeniyetke saiplik aqqımız halqara seviyede nasil etip qorçalana?
✔️ Qırımnıñ ve tamır Qırım halqı olğan qırımtatarlarnıñ medeniy asabalığını qorçalağan Ukraina mevamını nasıl etip qaviyleştire bile?
✔️ Qırımdan tışta qırımtatar medeniyetini nasıl inkişaf ettirip rağbetleştirmek mümkün?
✔️ Qırım yarımadası ile medeniy bağımıznı nasıl etip qorçalamaq mümkün?
Qonuşmacılar:
Emine Ceppar, Ukraina çetel işler Naziriniñ birinci muavini;
İgor Yaremenko, Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina naziriniñ muavini;
Refat Çubarov, Qırımtatar Milliy Meclisiniñ reisi;
Svitlana Fomenko, Ukraina medeniyet ve haber siyaseti Naziriniñ muavini;
Tamila Taşeva – Ukraina Prezidentiniñ Qırım MC-deki Daimiy Temsilcisiniñ muavini.
Munaqaşa yöneticisi: Alim Aliyev, Ukraina institutınıñ baş müdir muavini.