Sürgünlikniñ 77-yıllığı munasebetinen Taras Şevçenko adına Kıyiv milliy universitetiniñ baş binası ögünde ananeviy şekilde 8-nci sefer qırımtatar bayrağı köterildi. Qurbanlarnıñ hatıralarını añuv ve bayraqnı köterüv merasiminde aşağıdaki şahıslar iştirak etti:

🔹Anton Korınevıç – Ukraina Prezidentiniñ Qırım Muhtar Cumhuriyetindeki Daimiy Temsilcisi.
🔹Volodımır Bugrov– Taras Şevçenko adına Kıyiv milliy universitetiniñ rektorı.
🔹Darya Svırıdova – Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini.
🔹Tamila Taşeva – Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini.

1944 senesiniñ mayıs ayında NKVD vastasınen Qırımnıñ tamır halqı qırımtatarlar Sovet Birliginiñ uzaq köşelerine ve ilk nevbette Orta Asiyağa sürgün etildi. Sürgün etüv esnasında ve sürgünlikniñ ilk yıllarında sürgün etilgenlerniñ deerlik yarısı, yani 238500 ziyade kişi elâk oldı.

Anton Korınevıç: ”Bugün biz totalitar tertip tarafından tamır qırımtatar halqına qarşı yapılğan cinayetniñ – qırımtatar halqı soyqırımınıñ qurbanlarını añamız. 1944 senesi mayıs ayınıñ 18-de kerçekleşken sürgünlik bütün qırımtatar halqını öz evinden, öz toprağından marum etti. 1944 senesi olğanı kibi, bugünde-bugün de qırımtatar halqı cezalavlarnıñ, insan aqları saasında kütleviy ve muntazam şekilde yüz bergen bozuluvlarnıñ, Rusiye Federatsiyasına boysunğan işğalci memuriyet tarafından taqip etüvniñ esas obyektine çevirildi. Tamır qırımtatar halqınıñ tarihiy aqlarını ğayrıdan tiklev oğrunda çalışamız ve qırımtatarlar öz toprağında bizim ukrain Qırımımızda serbest şekilde yaşap olacağına ümüt etemiz.

#CrimeaIsUkraine #QırımUkrainadır #Qırım #StopRussianAggression