Çıqışı esnasında Anton Korınevıç devletimiz tarafından yapılıp, Ukraina topraq bütünliginiñ ğayrıdan tiklevni maqsat etip qoyğan esas adımlarğa diqqat celp etti.
Hususan Rusiye Federatsiyası tarafından vaqtınca işğal etilgen Qırım yarımadasında insan aqlarını ve serbestliklerini qorçalavğa dair devletimizniñ ilk nevbetteki adımlarını belgilegen ”Vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv strategiyası” tasdıqlandı.
Qırımtatar halqı sürgünliginiñ qurbanlarını añma künü ile Qırımtatar halqınıñ aq-uquqları içün küreş künü munasebetinen Ukraina tamır halqı olaraq qırımtatar halqınıñ aq-uquqlarını pekitken ”Ukraina tamır halqları aqqında” Qanun leyhasınıñ Ukraina Yuqarı Şurasına taqdim etilüvine Anton Korınevıç müim tarihiy adım olaraq qıymet kesti.