Bugün, 2021 senesi ilk yaz ayınıñ 3-de, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç muavinleri Darya Svırıdova ve Tamila Taşeva ile beraberlikte Ukrainada Braziliyanıñ Fevqulâde ve Vekâletli Elçisi Norton de Andrade Mello Rapesta ile körüşti.
Taraflar ”Qırım platformasınıñ” ilk sammitine azırlanuv ceryanını ve Qırım yarımadasını işğalden azat etüv oğrunda Ukraina tarafından yapılğan adımlarnı muzakere ettiler. Bundan ğayrı, vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sıñırnı diplomatlar tarafından ziyaret etüv imkâniyeti muzakere etildi.
Braziliyanıñ Ukrainadaki Elçisi Ukrainanıñ topraq bütünligine ve egemenligine Braziliya devleti qol tutqanını tekrarladı.