Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermektedir

Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:

Odesa halqara aşayt tehnologiyalar akademiyası – ilmiy taqiqatlarınen belli olğan ve aşayt, zahire işleme, cermay işleme, suvutuv, İT-tehnologiyalar, aşhane-musafirhane ve turistik saalar içün yüksek ihtisaslı mütehassıslar azırlağan aliy oquv yurtudır.
Odesa halqara aşayt tehnologiyalar akademiyasındaki azırlav kurslarında:

Ukraina aliy oquv yurtlarına kirişke ve oquvğa azırlav, mektepte elde etilgen bilgilerni bir tertipke ketirüv. Oquv müddeti: 2021 senesi ilk yaz ayınıñ 29-dan arman ayınıñ 31-nece.

Azırlıq kurslarda oquvnen bir arada ritorika ve kommunikativ ceryanlarda davalarnı çezüv kibi psihologik tedbirler, tasil-medeniy, sportiv tebirler teşkil etilip keçirilecektir.

Bir ayda 4588,00 grivnâ miqdarında stipendiya ve akademiyanıñ yataqhanesinde bedava yernen teminlev.

Qoşma malümatnı https://cutt.ly/TnPsq18 saifesinde ya da tasil merkezleriniñ  https://www.onaft.edu.ua/zno saifesinde oqumağa mümkün.
“Qırım-Ukraina” ve “Donbas-Ukraina” tasil merkezleri aqqında qoşma malümat: https://cutt.ly/QnPsNmx
Elektron şekilde vesiqalarnı tapşıruv: https://start.onaft.od.ua
Mektüpler içün elektron menzilimiz: [email protected]
Facebook: Ukraina vatandaşları içün Odesa halqara aşayt tehnologiyalar akademiyasınıñ azırlav bölügi: https://cutt.ly/OnPdu7t