Qonuşmacılar:
– Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi
– Alina Frolova, Mudafaa strategiyalar merkeziniñ idare başlığı
– Ditmar Niyetan, Almaniya Bundestagınıñ deputatı
– general Ben Hoces, Avropa siyasetini talil merkezindeki strategik araştırmalar boyunca Perşıng kafedrasınıñ müdiri
– Petro Beşta, Ukraina çetel işler Nazirligi Siyasiy idaresiniñ Baş müdiri
Moderator: Bruno Lete, Amerika Birleşken Devletleriniñ Almaniyadaki Marşal fondunıñ ilmiy hadimi.
Muzakere etüv esnasında Anton Korınevıç Qırım Muhtar Cumhuriyeti ve Aqyar şeeri topraqlarını vaqtınca işğal etken Rusiye Federatsiyası tarafından Qaradeñiz regionında keçirilgen arbiyleştirüv siyasetini tarif etti.
Şu cümleden o, Rusiyeniñ ukrain yarımadasını zemaneviy silâ çeşitlerinen toldurıp, küçlü arbiy bazağa çevirgenini, böyleliknen yalıñız Qaradeñiz regionındaki devletler içün degil de, cenübiy ve şarqıy Avropa içün telüke doğurğanını qayd etti. Bundan ğayrı Daimiy Temsilci halqara gumanitar uquq qaideleri bozulğanını, gençler zorbalıqnen Rusiye Federatsiyasınıñ Silâlı quvetlerine çağırılğanını, Ukraina vatandaşlarına zorbalıqnen Rusiye vatandaşlığı berilgenini, yerli eali deñiştirilgenini, tasil ceryanı arbiyleştirilgenini ve gençler ve balalar arasında cenk propagandası yapılğanını bildirdi.