Vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan gençlerniñ diqqatına Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermege devam ete.

Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:

Oleksandr Dovjenko adına Gluhiv milliy pedagogika universiteti tasil ceryanı küçlü ve semereli olğan Avropa tarzındaki aliy oquv yurtudır.

Oleksandr Dovjenko adına Gluhiv milliy pedagogika universitetindeki azırlav kurslarınıñ programmasında:

– Ukraina aliy oquv yurtlarına kirişke ve oquvğa azırlav, mektepte elde etilgen bilgilerni bir tertipke ketirüv. Oquv müddeti: 2021 senesi ilk yaz ayınıñ 29-dan arman ayınıñ 31-nece;
– psihologik, tasil-medeniy, sportiv tebirler teşkil etilip keçirilecektir;
– bir ayda 4588,00 grivnâ miqdarında stipendiya ve akademiyanıñ yataqhanesinde bedava yernen teminlev.

Qoşma malümat almaq içün kelişken alâqa vastasını seçip, Oleksandr Dovjenko adına Gluhiv milliy pedagogika universitetine muracaat et, universitetten alınğan davetname ile KÇNN keçken soñ özüñni etraf müitten ayırmaq şart degil.

Tasil merkezleriniñ faaliyeti içün mesüliyetli şahıs – Mareyev Dmıtro Anatoliyovıç, cep telefonı 0976001616 (Viber, Telegram, WhatsApp); 0999159851.
Adres: 41400, Gluhiv şeeri, Kıyevo-Moskovska soqağı, 24 bina, 411 oda (qabul etken komissiya).
E-mail: [email protected]
Telefon: (05444) 2-33-61