İlk yaz ayınıñ 28-de Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri Darya Svırıdova ile Tamila Taşeva Ukraina Anayasasınıñ 25 yıllığına ve Qırımtatar milliy bayrağı kününe bağışlanıp, Fastiv şeerinde keçirilgen «Qırımğa hoş keldiñiz!» qırımtatar medeniyeti festivalinde iştirak ettiler.

Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç çıqışında tedbirde bulunğanlarnı Ukraina Anayasa künü ve ilk yaz ayınıñ 26-da qayd etilgen Qırımtatar milliy bayrağı künü ile hayırladı. Bundan ğayrı Anton Korınevıç «Renkli Ukrainanıñ bügüni ve kelecegi. Qırım tecribesi» panel munaqaşasında iştirak etti.

Temsilcilik festivalniñ teşkilâtçılarına, yani Qırım evine, yerli akimiyetni temsil etken Fastiv şeer şurasınıñ başlığına, Qırımtatar Milliy Meclisine ve ”Qırım ailesi” cemaat birligine öz minnetdarlığını bildire.