Bugün Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşevanıñ Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüv, Qırım platforması qurulış Sammitiniñ vazifeleri ve devletimizniñ bu yönelişte nevbetteki adımları aqqında intervyusı derc etildi.

”Menim içün esas sual — Qırım platforması sammitinden soñ neler olacaq”, – dep qayd etti subet esnasında Daimiy Temsilciniñ muavini Tamila Taşeva ve böyle suallerge cevap berdi: Qırım Platforması qurulış Sammitinde qaç dane memleket iştirak etecek? Olardan ne qadarı Qırım hartiyasına qoşulmağa azır? Bu vesiqanıñ mündericesinde neler olacaq? Qırım platforması Qırımnı işğalden azat etüvge semereli şekilde hızmet etecekmi? Afganistandaki buhran devrinde Qırım ile qısmen Donbasnıñ işğal etilmesi meselesine halqara cemiyetniñ diqqatını nasıl etip celp etmeli? – intervyunıñ tolu metini oqup çıqqan soñ, bu ve başqa suallerge cevap ala bilirsiñiz.