Yarın, berim ayınıñ 14-de, Ukraina Prezidentiniñ Qırım Muhtar Cumhuriyetindeki Temsilciligi Ukraina milliy hatıra institutı ve İnsan aqları boyunca Ukraina-Helsinki birligi beraberlikte USAİD Ukraine ”İnsan aqları amelde” leyhası çerçivesinde Qırım işğali aqqında ”Qırım. İşğal” serlevalı ağzaviy-tarihiy leyha çerçivesinde yazılğan yañı video hatırlavlar toplamını taqdim eteler.
Tedbir onlayn şekilde keçirilecek. Yayınlavnı Ukraina Prezidentiniñ Qırım Muhtar Cumhuriyetindeki Temsilciliginiñ, Ukraina milliy hatıra institutınıñ ve İnsan aqları boyunca Ukraina-Helsinki birliginiñ Facebook ve YouTube ağlarındaki resmiy saifelerinde seyir etmege mümkün.
Tedbirde Qırım işğali aqqında video hatırlavlar toplamı ve olarnıñ esasında azırlanğan rağbetleştirici videolar taqdim etilecek.
Deliller 2021 senesiniñ baarinde Ukraina milliy hatıra institutı ve Ukraina Prezidentiniñ Qırım Muhtar Cumhuriyetindeki Temsilciligi tarafından başlatılğan ”Qırım. İşğal” serlevalı ağzaviy-tarihiy leyha çerçivesinde yazılğan edi.
Muzakere etüvniñ iştirakçileri:
- Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi.
- Anton Drobovıç, Ukraina milliy hatıra institutınıñ başlığı.
Bundan ğayrı, tedbirde Qırım işğaliniñ şaatları olğan siyasetçiler, aq qorçalayıcılar, cemaat faaleri, jurnalistler ve studentler iştirak etecek.
Tedbirni Ukraina milliy hatıra institutındaki ağzaviy menbalarnı cedvelge aluv ve saqlav bölüginiñ reberi Tetâna Kovtunovıç idare etecek.
Er kesni tedbirni seyir etmege davet etemiz.