İşğalde balalıq nasıl ola?
Ukrainalılar nasıl maküm etile?
Qaramanlar ”qaramanlarğa” qarşı Qırımnıñ işğal etilmesine qarşı küreşkenlerniñ sımaları İşğalni kim qabul etti?
Aqiqatnı Rusiye istilâsı virtual muzeyiniñ saifesinde qıdırıñız: https://rusaggression.gov.ua/ua/home.html
Rusiye istilâsı virtual muzeyi, Rusiye Federatsiyası tarafından Qırım yarımadası, qısmen Donetsk ve Lugansk vilâyetlerindeki Ukraina topraqlarını işğal etilüvi devamında işlengen cinayetler ve esas adiseler aqqında kerçekni bildirgen dünyada birincilerden olğan dijital vastadır.
Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç qayd etkeni kibi, aqiqatnı bilmek aqqı, keçici devirdeki adaletniñ ayırılmaz parçasıdır:
«Ortaqlarımıznen beraber amelge keçirilgen ”Rusiye istilâsı virtual muzeyi” leyhası Qırım platformasınıñ teşkil etilüvi ceetinden müimdir. Devlet hatırlay, bile, çalışa ve em işğalni toqtatmaq, em de onıñ aqibetlerini aşmaq içün qolundan kelgenini yapacaqtır… Portalda qayd etilgen bütün adiseler, şu cümleden halqara teşkilâtlarnıñ esabatları esasında teşkerilgen malümatlardır».
Hatırlatamız ki, portalnıñ teşkil etilüvinen Ukraina milliy hatıra institutı, Ukraina Prezidentiniñ Qırım Muhtar Cumhuriyetindeki Temsilciligi, Baş prokurorı ofisi, Qırım Muhtar Cumhuriyeti ve Aqyar şeeri prokuraturası, ”Renaissance” halqara fondu, ”Prometey” telükesiz müitni tedqiq etüv merkezi Prometheus Center oğraştı.
Ukraina çetel işler Nazirligi/MFA of Ukraine, Ukraina adliye Nazirligi ve Rusiye istilâsı başlanğandan berli Ukraina topraqlarındaki silâlı davanıñ adiselerine ve aqibetlerine dair cinayetlerni, aq-uquq bozuluvlarnı ve başqa müim malümatlarnı cedvelge alğan itibarlı ukrain cemaat teşkilâtları mesleatlar berip, vaqialarnı teşkermege yardım ettiler.