Bugün, 2021 senesi ekim ayınıñ 29-de, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Ukraina Prezidenti yanındaki yerli ve regional akimiyetler Kongressiniñ Odessa şeerinde keçirilgen toplaşuvında iştirak etti. Tedbir Ukraina Prezidenti Volodımır Zelenskıynıñ yolbaşçılığında olıp keçti. Kongress toplaşuvında Ukraina regionlarında COVID-19 tacmaraz hastalığınıñ darqaluvına qarşılıq kösterüv meselesiniñ vaziyeti ve 2021/2022 senesi qızdıruv mevsiminiñ keçirilmesi muzakere etildi.
Ukraina Prezidentiniñ Qırım Muhtar Cumhuriyetindeki Daimiy Temsilcisi vazifesi boyunca Kongress azalarından biri olmaqta.