Körüşüvde Ukrainada TİKA yönetisici Cüneyt Esmer, yönetici muavini Zeynep Bingisu Ugur Çubukkesen, yardımcı-terciman Nayle Seydametova, Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri Darya Svırıdova ve Tamila Taşeva iştirak ettiler.
Anton Korınevıç ürmetli musafirlerge Qırım Platforması Ofisini ve Temsilcilik taqımı tarafından eñ yaqın kelecek içün azırlanğan faaliyet planını taqdim etti.
Cüneyt Esmer Türkiye Cumhuriyeti Ukrainanıñ egemenligine ve topraq bütünligine qol tutqanını qayd etti. Bundan ğayrı o, TİKA agentligini hususan vaqtınca işğal etilgen Qırım MC ve Aqyar şeeri topraqlarında yaşağan gençlerge qol tutuvnı, qırımtatar medeniyetini qorçalavnı ve inkişaf ettirüvni maqsat etip qoyğan leyhalar saasında işbirlik meraqlandırğanını bildirdi.
Anton Korınevıç tafsilâtlı şekilde aşağıdaki malümatlarnen paylaştı:
vaqtınca işğal etilgen topraqlarda yaşağan gençler içün tasil leyhalarnı inkişaf ettirüv
vatandaşlarımıznen bağlarımıznı qorçalav
qırımtatar medeniyetini rağbetleştirüvge qol tutuv.