Tedbir çerçivesinde dissidentlik, Qırımnıñ medeniyeti ve tarihına bağışlanğan lektsiyalar, müzakereler, oquvlar ve muzika interventsiyaları teşkil etildi. İştirakçiler arasında Daimiy Temsilci Tamila Taşeva, qırımtatar halqınıñ lideri Mustafa Cemilev, yazıcı Anastasia Levkova, bestekâr Emil Asadov, Kembric universitetinde Ukraina studiyalarınıñ başı Rori Finnin ve başqaları yer aldı.
Munaqaşalar vaqtında Daimiy Temsilci Vilfrid Yilge ve Katerına Stetseviç ile em tarihiy aspektlerni, em de işğal etilgen Qırımda aktual vaziyetni müzakere etti. Tamila Taşeva al-azırda işğalci akimiyet Qırımnı tekrar müstemlekeleştirmek içün çeşit deñemeler keçire. Olardan biri – Ukraina tamır halqlarınıñ, hususan qırımtatarlarnıñ medeniyetini ve özgünligini yoq etmek.
Rusiye Qırım üzerinde kontrolni alğanda, bu yarımadanıñ müstemlekeleştirüvine yol açtı. 1783 senesi Qırımnıñ rus imperatorlığı tarafından ilk işğaline qadar yarımada ealisiniñ 90% qırımtatarlar teşkil ete edi. Müstemlekeleştirüv neticesinde bu sayı 29%-ğa tüşti (1917 senesi malümatı). İmperiyanıñ nevbetteki gibridi – sovet birligi ve 1944 senesi stalin tarafından yapılğan sürgün neticesinde Qırımda 0% qırımtatarı qaldı ve yarımadağa anda kütleviy şekilde ketirilgen ruslar yerleşti.
— dep qayd etti Daimiy Temsilci.
Ondan da ğayrı, munaqaşa iştirakçileri işğal etilgen Qırımda er kün telükege baqmadan, istilâcılarnıñ istenilmegenini köstermek içün elinden kelgenini yapqan Ukraina vatandaşlarınıñ qarşılıq areketini de müzakere etti.
