Daimiy Temsilci Tamila Taşeva “İşğal etilgen topraqlarnı qaytaruv: strategik baqış” adlı munaqaşa panelinde iştirak etti. Munaqaşada işğal etilgen territoriyalarnıñ qaytarıluvından soñ bu topraqlarınıñ kelecegi muzakere etildi. Muzakere Ukraina Siyasetşınaslıq mektebi tarafından Ukraina Prezidentiniñ Qırım Muhtar Cumhuriyetindeki Temsilciliginen beraber “Küçlü Ukraina içün ortaqlıq” fondunıñ desteginen teşkil etildi.

Tamila Taşeva çıqışı vaqtında azat etilgen topraqlarnı reintegratsiya ve yañıdan tiklev siyaseti aqqında aytıp berdi. Ayrıca Temsilcilikniñ çalışmaları da qayd etildi, hususan “Qırımnıñ işğalden qurtarılmasından soñ Ukraina devletiniñ esas adımları” vesiqası, Qırımnıñ azat etilmesinden soñ yañıdan tiklev Strategiyası ve Ükümet tarafından tasdıqlanuv içün berilgen Kognitiv deokkupatsiya Strategiyası.

Bundan da ğayrı, Daimiy Temsilci işğalden qurtarılğan topraqlarda Ukraina uquq sistemasınıñ ve cemiyetke açıq akimiyetni tiklemekniñ hususiyetlerini, yarımadanıñ azat etilmesinden evel ve soñ ömürge keçirilecek qararlarnıñ tapılması, işlep çıqarılması ve inkişaf ettirilmesiniñ müimligini qayd etti.