Tünevin Temsilcilik ofisini rus esarerinden azat etilgen Qırımtatar Milliy Meclis Reisiniñ Birinci muavini Nariman Celâl ziyaret etti. Bu, Temsilcilik içün çoqtan beklenilgen vaqia edi ve Bütün Temsilcilik taqımı onı sabırsızlıqnen bekley edi.

Nariman Celâl 2021 senesi, Kıyivde Qırım Platformasınıñ açılış sammitinde iştirak etip, Qırımğa qaytayatqan soñ rus işğalcileri tarafından qanunsız şekilde 17 yıl apis cezasına mahküm etildi. Qırım Platformasınıñ açılışı vaqtında Nariman Celâl Ukraina Prezidenti Volodımır Zelenskıy ve başqa devlet yolbaşçılarınen beraber apis etilmeden evel soñki kere Temsilcilikke kelgen edi. Bundan soñ işğalciler Nariman Celâlnı sebepsiz olaraq, “diversiya faaliyetlerinde” qabaatladılar, amma asılında o, Ukraina tarafdarı olğanı, semetdeşlerine yardım etkeni, işğal etilgen Qırımda insan aqları qorçalanması içün küreşi, jurnalistika faaliyeti ve işğalcilerniñ cinayetleri aqqında aqiqatnı köstergeni içün taqiplerge oğradı.

Daimiy Temsilci Tamil Taşeva Nariman Celâlnen qonuştı. Celâl ayrıca, öz fotoportretlerine imza qoydı. Portretlerden birisi hayriye auktsionında lotereyağa çıqarılacaq, para ise Ukraina Mudafaa Quvetleriniñ ihtiyaclarına bağışlanacaq. Ekinci fotoresim ise halqımıznıñ azat etilmesi içün küreş devam etkenini hatırlatmaq içün Temsilcilik ofisinde qalacaq.

Nariman Celâlğa ziyareti ve boysunmamazlığı için teşekkürlerimizni bildiremiz!