Bugün Kıyivniñ Sofiya meydanında Ukraina mustaqilliginiñ 33 yıllığı munasebetinen tedbir ötkerildi. Ukraina Prezidentinen birlikte Poloniyanıñ Prezidenti Anjey Duda ve Litvaniyanıñ baş naziri İngrid Şimonit çıqışlarda bulundı.

Ukraina Prezidenti Volodımır Zelenskiy öz çıqışında böyle dedi:

“Bizim qaramanlarımız ve bütün dünyaqda Ukrainağa qol tutqan ortaqlarımız, Ukrainanıñ 33-nci mustaqillik kününi qayd eteler. Ve ukrainler bu bayramnı daima serbest paytahtında ve suveren devletinde qayd eteceklerinden eminmiz. Ukraina er vaqıt öz mustaqilligini saqlaycaq ve bu iç bir vaqıt sual işareti olmaycaq”.

Poloniya Prezidenti Anjey Duda böyle dedi:

“Men mında, Kıyivde, Ukraina mustaqilliginiñ 33 yıllığında sizler, Ukraina vatandaşları ögünde çıqış yapmaq menim içün büyük şeref. Siziñ Mustaqillik künüñiz, belli bir manada, bütün Orta Avropanıñ mustaqillik künüdir. Çünki Ukrainanıiñ mustaqilligi olmasa, mustaqil ve havfsız Poloniyanı, Litvaniyanı ya da bölgemizniñ diger memleketlerini tasavur etmek qıyındır”.

Litvaniya baş naziri İngrid Şimonite öz çıqışında Qırımnı añdı ve ayrıca qayd etti:

“Ğalebe künü mıtlaqa kelecegine tek ümüt etmeyim, inanam. Onı epimiz birlikte Ukrainağa ait Qırımında ve serbest, ğururlı Mariupolde qayd etecekmiz. Litvaniyada sığınğan ukrainler qaytıp, AB ve NATO şeerlerini — Donetsk ve Luganskni yañıdan quracaq. Ukrain balaları Sumı vilâyetinde, Harkov vilâyetinde ve Herson vilâyetindeki evlerine qaytıp, yaqınlarını quçaqlaycaq”.

Tedbir vaqtında Ukraina Prezidenti devlet mukâfatlarını, arbiy bayraqlarnı, cesürlik içün şeritlerni ve unvanlarnı taqdim etti.