2025 senesine qadar pensiya meselesi eskirgen qanunlar sebebinden ep ağır ve mürekkep olıp qaldı. Ukraina pensiya teminlevi organları işğalci memleketniñ qurulışlarından pensiya işlerini talap etmege mecbur edi ve bu ceryan bir çoq sefer çıqılmaz yolğa çıqtı.

Faqat 2014 senesinden berli ağır olğan vaziyet tüzeldi.

2024 senesi iyün ayında 3674-IX sayılı qanun quvetini aldı, o, işğal etilgen topraqlarda yaşağan Ukraina vatandaşları içün sigorta stajınıñ esaplanuvını ve pensiyalarnı tayinlevni sadeleştirdi.
2025 senesi mart ayında ise Nazirler Kabinetiniñ 299-ncı qararı quvetini alıp, böyle kategoriyalar içün tertip belgiledi:

• vaqtınca işğal etilgen topraqlarda yaşağan;
  
• vaqtınca Ukraina sınırları tışında yaşağanlar;,
  
• Ukrainanıñ Rusiye Federatsiyası tarafından vaqtınca işğal etilgen topraqlarından çıqıp, Ukrainanıñ nezareti altındaki topraqlarda yerleşkenler.

Yañı qaidelerge köre, işğal etilgen territoriyalardan kelgen Ukraina vatandaşları pensiya almaq içün Ukraina ükümeti tarafından nezaret etilgen topraqlarda muracaatta buluna bileler, amma bunıñ içün Rusiye Federatsiyasınıñ pensiya organlarından pensiya almamaq şartı bar. Şimdiki vaqıtta Ukraina ve Rusiye Federatsiyasınıñ pensiya organları arasında malümat paylaşuvı olmağanından, şahısnıñ özü Pensiya fondu organına bu aqta beyanname bermek kerek.

Böyleliknen, Qırım sakinleri ve vaqtınca işğal etilgen topraqlardan köçip kelgenler içün pensiya aqqını ömürge keçirüv meselesi niayet qanun çıqaruv seviyesinde çezildi — ve bu tek sözler degil. Bu endi onlarnen adamda berilgen kerçek yardımdır. Ve bu hızmet ihtiyacı olğan er kes içün irişilir. Temsilcilik em vesiqanıñ azırlanuvında, em de onıñ içün normativ-uquqiy bazanı işlep çıquvda iştirak etti.

2022 senesi tam miqyaslı cenk başlanğan soñ, vaqtınca işğal etilgen Qırım ve Aqyar şeeriniñ bir çoq sakini evini terk etmege mecbur oldı. Amma yañı yaşayışnen beraber yañı mecburiyetler de peyda oldı — hususan, işğal etilgen topraqlardan çıqsañ, pensiyañnı nasıl etip ala bilirsiñ?

İşte, bu noqtada Ukraina Prezidentiniñ Qırım Muhtar Cumhuriyetindeki Temsilciligi yardımğa kele. Onıñ mütehassısları tek mesleat bermeyler – olar, aqiqaten, adamlarğa vesiqa toplanmasından başlap, pensiyanıñ berilmesine qadar qıyın yoldan keçmege yardım eteler.

2024–2025 senelerniñ başında Temsilcilikke pensiya meseleleri boyunca 42 ariza keldi.

 Olardan:

• 37 ariza qanunlarğa köre baqılıp çıqtı ve:
  7 kişige Temsilcilik yardımınen pensiya tayin etildi;
  
• daa 5 arizanıñ baqıluvı devam etmekte.

Şunı da qayd etmek kerek ki, bu çalışmalar “QıtımSOS” cemaat teşkilâtından adliyetçilerniñ faal iştiraginen alıp barıla, olar, kerek olğanda, arizacılarımızğa uquqiy yardım köstereler, hususan, mahkemede olarnıñ menfaatlarını taqdim eteler.

Eger sizge de Temsilcilikniñ faaliyeti çerçivesinde mesleat yardımı kerek olsa, resimde kösterilgen alâqalardan bizlernen bağlanıñız.