Yanvarniñ 20-nde Daimiy Temsilci Olga Kurışko «Ukrayinanıñ Avropa integratsiyası: memleket içinde yaşağan yerini deñiştirgen ve Ukrayinanıñ vaqtınca işğal etilgen topraqlarında yaşağanlarnıñ aq-uquqlarını ve imkânlarını teminlemek içün yañı aletler ve stimullar» adlı panel munaqaşasında iştirak etti, onı ZMİNA İnsan aqları merkezi teşkil etti.

Olga Kurışko, öz çıqışında Qırım platformasınıñ vaqtınca işğal etilgen topraqlarnen bağlı uquqiy aspektlerde qazanğan tecribesi aqqında malümat berdi, çeşit devletlerniñ pozitsiyalarını pekitmek kerekligini ayrıca qayd etti.

“Butün muzakere ve integratsiya ceryanları, vaqtınca işğal etilgen topraqlar meselesini, em de olarda yaşağan halqnıñ aqlarını, havfsızlığını ve kelecegini kün tertibinden çıqarıp olamaz. Bu ceryanlarda er angi qararlar olarnıñ menfaatlarını köz ögüne alıp ve halqara uquq normalarına köre qabul etilmek kerek.”

Çıqışınıñ soñunda, Daimiy Temsilci, Temsilcilikniñ aynı vaqıtta, havfsızlıq meselelerini, yerli halqnıñ ihtiyaclarını, halqara uquq normalarını köz ögüne alıp, Qırımnıñ azat etilgeninden soñ cemaat akimiyetini tiklemek içün mümkün olğan modeller boyunca kerçekçi çezimlerni işlep çıqaruv boyunca öz sistematik faaliyetini devam devam etkenini qoştı.